Texas necə ABŞ-ın neft paytaxtına çevrildi? Qədim okeanlar və kapitalizm cavab verir

Texasda bu qədər neft niyə var? Səbəb qədim dənizlər və müasir kapitalizmdir

“IFLScience”-ə istinadən “Mediahub.az” xəbər verir ki, Texas ABŞ-ın neft mərkəzinə çevrilməsinin arxasında həm geoloji, həm də iqtisadi səbəblər dayanır.

Hazırda ABŞ-da hasil edilən neftin 42%-i təkcə Texasdan çıxarılır. Bu göstərici digər ştatlarla müqayisədə çox yüksəkdir. Əsas yataqlar isə Perm hövzəsində yerləşir – milyonlarla il əvvəl qədim bir dənizin altında qalmış ərazidə.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Neft nədən yaranır? Dinozavrlardan yox, əksinə – günəş enerjisini udmuş mikroskopik dəniz canlılarının çöküntülər altında sıxılıb, milyonlarla il ərzində neftə çevrilməsindən. Perm dövrü bu prosesin əsas mərhələsi olub.

1901-ci ildə Spindletop-da ilk neft fontanı 9 gün ərzində gündə 100 min barrel neft püskürtdü. Bu hadisə Texasda “neft əsri”nin başlanğıcı sayılır və “Gulf Oil”, “Texaco” kimi nəhənglərin yaranmasına səbəb oldu.

İllər ərzində Texas yeni texnologiyalar – hidravlik parçalama və horizontal qazma ilə rekord həcmdə hasilata nail oldu. Lakin bu sürətli inkişaf ekoloji problemlərsiz də ötüşməyib: Perm hövzəsi 2022-ci ildə 200 milyon ton istixana qazı buraxıb.

Bütün bu mənzərəyə baxmayaraq, Texas neft hasilatını artırmaqda davam edir. Bu, həm ABŞ iqtisadiyyatı, həm də qlobal enerji bazarı üçün ciddi siqnaldır – fosil yanacaqlar hələ də gündəmdə qalır.