Tesla-nın FSD sistemi niyə istənilmir? Elon Mask etiraf etdi
Elon Mask təsdiqlədi: digər avtomobil istehsalçıları Tesla-nın FSD sistemini qəbul etmir. Maraqlıdır, səbəb nədir?
Elon Mask: «Heç bir avtomobil istehsalçısı Tesla-nın FSD sistemini istəmir»
«Techspot» yazır ki, Elon Mask illərdir davam edən mübahisəyə nöqtə qoyan bir etiraf edib: başqa avtomobil istehsalçıları Tesla-nın «Full Self-Driving» adlanan sürücü yardım sistemini qəbul etməyə maraq göstərmir.
Mask sosial şəbəkə X-də bildirib ki, FSD-ni simvolik məbləğlə lisenziyalaşdırmaq təklifi versə də, heç bir şirkət razılıq verməyib. Bir neçə istehsalçı cüzi pilot layihələr istəyib, amma geniş tətbiq barədə söhbət belə olmayıb. «Onlara xəbərdarlıq etmişdim, amma yenə də istəmirlər» - deyə Mask yazıb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
O, ad çəkməsə də, ötən il Ford ilə aparılan danışıqlar mətbuata sızmışdı. Ford-un rəhbəri Cim Farli daha sonra təsdiqləmişdi ki, şirkət Tesla-nın kameralara əsaslanan sistemini Waymo-nun LiDAR-lı texnologiyası ilə müqayisə etdikdən sonra Waymo-nu daha inkişaf etmiş hesab edib və razılaşma baş tutmayıb.
Tesla FSD paketini təxminən 10 min dollara satır. Sistem avtomobilin hərəkəti idarə etməsinə, zolaq dəyişməsinə, parklanmasına və işıqforlara reaksiya verməsinə imkan yaradır, amma yenə də sürücünün nəzarəti tələb olunur. Bir sözlə, hüquqi baxımdan bu hələ də 2-ci səviyyəli sürücü yardım sistemidir.
Bəs problem nədədir? FSD və Autopilot uzun illərdir etibarlılıqla bağlı tənqid olunur. ABŞ-ın Milli Yol Təhlükəsizliyi Administrasiyası FSD-nin qırmızı işıqda keçməsi və magistralda əks istiqamətə girməsi ilə bağlı araşdırma aparır. Avqustda məhkəmə Autopilotla bağlı bir ölüm hadisəsində Tesla-nı məsuliyyətli sayaraq şirkəti 242 milyon dollar təzminata məhkum edib.
Daha dörd qəza ilə bağlı araşdırma isə 2.4 milyonadək avtomobili əhatə edir. Əslində suallar hələ də açıq qalır: sənaye niyə FSD-dən uzaq durur, texnologiya inkişaf etməyib, yoxsa risk çoxdur?
Bu xəbəri necə dəyərləndirirsiniz?
