Afrikada IOTA vasitəsilə USDT ödənişləri: 70 milyard dollarlıq ticarət rəqəmsallaşır

Afrikada IOTA və USDT ilə yeni ticarət mərhələsi başlayır

«Coindesk» xəbər verir ki, Afrika Kontinental Azad Ticarət Zonası və IOTA Foundation qitə üzrə ticarətin rəqəmsallaşdırılması üçün genişmiqyaslı ADAPT təşəbbüsünə start verib. Layihənin mərkəzində isə stabilkoin ödənişləri, xüsusilə də USDT dayanır.

ADAPT təşəbbüsü Tony Blair İnstitutu və Dünya İqtisadi Forumu ilə birgə hazırlanıb. Məqsəd 55 Afrika ölkəsi üçün açıq mənbəli, ümumi rəqəmsal infrastruktur qurmaqdır. Bir sözlə, sənədlərin rəqəmsallaşdırılması, şəxsiyyətlərin təsdiqi və sərhədaşırı ödənişlər vahid platformaya keçəcək.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

IOTA-nın təsisçisi Dominik Şiner bildirib ki, artıq ticarət sənədlərinin rəqəmsallaşdırılması mərhələsi həll olunub və bundan sonra real ödənişlərə keçid başlayır. Onun sözlərinə görə, fiziki aktivlərin tokenləşdirilməsi və USDT ilə ani ödənişlər yaxın illərin əsas istiqaməti olacaq.

Bu dəyişiklik niyə vacibdir? Hazırda Afrika tacirləri hər il təxminən 25 milyard dollarlıq əməliyyat haqqı ödəyir, sənəd saxtakarlığı isə əlavə milyardlarla zərər yaradır. Bir yük daşınması üçün 30-a yaxın qurumun 240 kağız sənəd alveri aparması hələ də adi haldır.

Keniyada və Ruandada aparılan pilot tətbiqlər artıq nəticə verib: Keniyalı ixracatçılar ayda təxminən 400 dollar qənaət edir, sərhəd keçidləri 6 saatdan 30 dəqiqəyə düşüb, sənədləşmə yükü isə 60 faiz azalıb.

2026-cı ildən sonra sistem bütün qitəyə yayılacaq. Hədəf 2035-ci ilə qədər AfCFTA-nın bütün 55 üzvünü rəqəmsal ticarət platformasına qoşmaqdır. Proqnozlara görə, bu rəqəmsal transformasiya içticarəti iki dəfə artıracaq və 70 milyard dollarlıq əlavə dəyər yaradacaq.

Şiner iddia edir ki, məsələn, Ruandadakı bir mədənçi əvvəlkindən iki dəfə ucuz maliyyə resursu ala və USDT ilə anında ödəniş əldə edə bilər. Əslində sual budur: bu yenilik Afrikanın ticarət strukturunu kökündən dəyişəcəkmi? Cavab çox uzaqda deyil.