Galaxy Watch həqiqətən həyat xilas edir? Üç real hadisə
Samsung Galaxy Watch bir neçə kritik vəziyyətdə insanların həyatını xilas edib. Üç real hadisə bu cihazların nə qədər vacib olduğunu göstərir.
Samsung Galaxy Watch saatları həyatı xilas edən funksiyaları ilə gündəmdə
«Sammyfans» yazır ki, Samsung-ın Galaxy Watch modelləri real həyatda bir neçə istifadəçinin həyatını xilas edib. Şirkət bunu sübut edən üç hadisəni paylaşaraq diqqəti yenidən bu ağıllı saatların sağlamlıq imkanlarına yönəldib.
İlk hadisə İordaniyada yaşanıb. Orada yaşayan Dr. Əhməd Şəradqah saatından gələn davamlı «ürək ritmi pozuntusu» bildirişlərinə əvvəlcə əhəmiyyət verməyib. Axı heç bir narahatlıq hiss etmirdi. Amma bu xəbərdarlıqlar onu həkimə getməyə vadar edib və onda ciddi ateroskleroz aşkarlanıb. O deyib ki, Galaxy Watch Ultra onun həyatını xilas edib və ailəsini böyük faciədən qoruyub.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Braziliyalı Roberto Qalyart isə idman zalında məşq edərkən qəfil sinə ağrısı hiss edib. O saatındakı ECG funksiyasını yoxlayanda artıq dörd dəfə «Nəticə qeyri-müəyyən» xəbərdarlığı aldığını görüb. Tibbi müayinədən sonra məlum olub ki, onun əsas tac damarlarından biri tam, ikisi isə kritik dərəcədə tutulub. Qalyart deyib ki, vaxtında reaksiya verməsə, ürək tutması keçirməsi an məsələsi idi.
Üçüncü hadisə Cənubi Koreyaya aiddir. Las-Veqasdan Seula uçan təyyarədə bir sərnişin huşunu itirib və həkim Jongmo Seo yanında tibbi avadanlıq olmadığından, bələdçinin Galaxy Watch saatındakı SpO2 göstəricisindən istifadə edib. Saat ona sərnişinin beyninə kifayət qədər oksigen çatıb-çatmamasını müəyyənləşdirməyə kömək edib. Dr. Seo bildirib ki, real vaxt məlumatları olmasaydı, müdaxilə çətin olardı.
Bir sözlə, bu hadisələr göstərir ki, bəzən belə kiçik görünən cihazlar həyatla ölüm arasında körpü rolunu oynaya bilər. Bəs sizin saatınız nələrə qadirdir?
Bu xəbəri necə dəyərləndirirsiniz?
