Elon Mask: «Gələcəkdə iş tamamilə könüllü ola bilər»
Elon Mask süni zəkanın yaxın onillikdə işi könüllü edə biləcəyini deyib. Bəs bu iddianın arxasında nə dayanır?
Elon Mask: «Gələcəkdə iş tamamilə könüllü ola bilər»
«Techradar» xəbər verir ki, Elon Mask Vaşinqtonda keçirilən ABŞ-Saudi İnvestisiya Forumunda süni zəkanın iş dünyasına təsiri barədə mübahisəli açıqlamalar verib.
Tesla-nın rəhbəri bildirib ki, yaxın 10-20 ildə avtomatlaşdırma o qədər sürətlənəcək ki, iş «könüllü məşğuliyyət»ə çevriləcək. Maskın fikrincə, gələcəyin peşələri uzaqdan idarə olunan proseslərə bənzəyəcək - sanki videooyun oynayırsan, sadəcə joystick ilə real işi görürsən.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
O, hətta belə bir müqayisə də çəkib: insanlar istəsələr, mağazadan hazır məhsul alar, istəsələr, həyətlərində tərəvəz əkərlər. «İş də belə olacaq - istəyən edəcək», - deyə Mask vurğulayıb.
Bir qədər də irəli gedərək o qeyd edib ki, gələcəkdə pul anlayışı belə əhəmiyyətini itirə bilər. Mask bunun qarşısında yalnız enerji və fiziki resurslar kimi təməldən gələn məhdudiyyətlərin qalacağını söyləyib. Bir sözlə, iddia böyükdür, amma suallar çoxdur.
Bununla belə, ekspertlər xatırladır ki, işsizliyə təsir prosesi artıq başlayıb: McKinsey-nin təhlilinə görə, 2030-a qədər 92 milyon iş avtomatlaşdırma ilə əvəz oluna bilər. Goldman Sachs isə bu rəqəmi 300 milyon olaraq göstərir.
Maskın fikirləri cəmiyyətdə haqlı narahatlıq yaradır. Çünki dünya üzrə milyonlarla insan maaşdan-maaaşa yaşayan zaman, işin tam könüllü olacağı barədə belə sərbəst açıqlamalar real həyatla uyğun gəlmir. Əslində bu sual hələ açıq qalır: bəs bu keçid dövründə sadə insanlar necə yaşayacaq?
Mask isə paralel olaraq Mars üçün raketlər hazırlayır və baha başa gələn futuristik avtomobillər istehsal edir. Amma o hələ ki, insanların bu gələcəyə necə uyğunlaşacağı barədə konkret plan təqdim etməyib.
Bu xəbəri necə dəyərləndirirsiniz?
