Anthropic-in 26 milyard dollarlıq iddialı planı: süni zəka bazarı silkələndi

Anthropic 2026-cı ilə qədər 26 milyard dollar gəlir hədəfləyir - OpenAI-dən iki dəfə çox!

«Tom's Hardware» məlumatına görə, süni zəka platforması Anthropic 2026-cı ilin sonuna kimi 26 milyard dollar gəlir qazanmağı planlaşdırır. Bu, təkcə OpenAI-nin 2025-ci il üçün proqnozlarından iki dəfə çox deyil, həm də şirkətin özünün əvvəlki göstəricilərindən qat-qat artıqdır.

Reuters yazır ki, Anthropic bu ilin sonuna qədər illik gəlirini 9 milyard dollara çatdırmağı gözləyir. Halbuki yayda şirkət 2025 üçün cəmi 4 milyard proqnoz vermişdi. Şirkətin CEO-su Dario Amodei bu hədəfi “reallığa çevrilə biləcək ambisiyalı addım” adlandırıb.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Bununla belə bir çox analitiklər bu rəqəmlərə şübhə ilə yanaşır. Çünki “illikləşdirilmiş gəlir” bir aylıq dövriyyənin 12 aya vurulması ilə hesablanır - yəni bu, illik gəlirin real göstəricisi deyil. Bəs bu qədər gəlir haradan gələcək?

Hazırda süni zəka bazarı böyük investisiyalar toplasa da, gəlirlilik səviyyəsi çox aşağıdır. OpenAI təxminən 500 milyard dollar dəyərində qiymətləndirilsə də, 2025-ci ildə 13 milyard gəlir əldə edəcəyi gözlənilir. Anthropic-in dəyəri isə 183 milyard dollardır, lakin 2024-də gəliri 10 milyardı keçmir.

Anthropic-in fərqi ondadır ki, onun gəlirinin 80 faizi korporativ müştərilərdən gəlir - məsələn, Cursor, SAP və hüquqi texnologiya şirkəti Filevine. Şirkət bazarda “etibarlılıq və təhlükəsizlik” imici ilə fərqlənməyə çalışır.

Anthropic-in Claude Opus 4 modeli üçün tariflər digər rəqiblərdən xeyli bahadır. Məsələn, 1 milyon giriş tokeninə görə 15 dollar, çıxış tokeninə isə 75 dollar tələb olunur. Müqayisə üçün OpenAI-nin GPT-5 modeli bu qiymətdən on dəfə ucuzdur.

AI bazarında gəlir hələ ki, əsasən korporativ alıcılardan gəlir. Bireysel istifadəçilər üçün isə Anthropic ucuz Claude Haiku 4.5 modelini hazırlayıb. Amma şirkət əsas diqqəti müəssisələrə yönəldir - xüsusilə çağrı mərkəzləri və kiçik biznes seqmentinə.

Anthropic-in son investisiya mərhələsində 13 milyard dollar cəlb etdiyi bildirilir. Bu vəsait yeni modellərin təliminə və hesablama gücünün artırılmasına yönəldiləcək. Şirkət gəlir artımına fokuslanıb, mənfəət isə hələ uzaq hədəfdir.

Bir sözlə, Anthropic süni zəka bazarında yüksək ambisiyalarla irəliləyir. Amma 26 milyardlıq plan reallığa çevriləcəkmi? Əslində bu sual hələ açıq qalır…