Xbox-ın 25 illiyi ərəfəsində böyük anonslar gözlənilir

Xbox-ın 25 illiyi ərəfəsində böyük anonslara işarə edilib

«WindowsCentral» xəbər verir ki, Xbox Ally X əl konsolunu təqdim edən BBC videosunda şirkətin oyun cihazları və ekosistem üzrə vitse-prezidenti Ceyson Ronald növbəti ilə dair maraqlı açıqlamalar verib.

Materialda müxbir Tom Gerken yeni cihazı sınaqdan keçirərək Windows oyunlarında və Game Pass bulud xidməti üzərində necə işlədiyini nümayiş etdirib. Amma ən diqqətçəkən an məhz Ronaldın qısa müsahibəsi olub.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

O bildirib ki, oyunçuların vərdişləri, sənayedəki tendensiyalar və texnologiyanın hazırkı səviyyəsi nəhayət əl tipli Xbox cihazını real seçimə çevirir. Gerken isə söhbəti daha da irəli apararaq geri uyğunluğun genişlənib-genişlənməyəcəyini soruşub. «Gələcəkdə daha çox orijinal Xbox oyunu Game Pass-ə gələ bilərmi?» sualı Ronaldı bir anlığa susdursa da, o ümidi artıran cavab verib.

Ronald deyib: «Bu gün heç nə elan edə bilmərəm, amma 2026 Xbox-ın 25 illiyidir və biz bu irsi qeyd etmək, həm də Xbox ekosisteminin gələcəyini müəyyənləşdirmək istəyirik».

O ardınca belə əlavə edib: «Sualınızı təsdiqləyə də bilmərəm, təkzib də. Sadəcə gözləyin. Gələn il çox maraqlı yeniliklər paylaşacağıq».

Bir sözlə, konkret açıqlama olmasa da, geri uyğunluğun genişlənməsi ilə bağlı ümid bir qədər də artıb. Xbox-ın 25 illik yubileyi yaxınlaşır və görünür, cavab üçün çox da gözləmək lazım olmayacaq.