Süni zəka yarışı qızışır: AMD ABŞ üçün iki nəhəng superkompüter quracaq

AMD və ABŞ hökuməti 1 milyard dollarlıq superkompüter sazişi imzaladı

«TechRadar» xəbər verir ki, ABŞ Energetika Nazirliyi «AMD» şirkəti ilə 1 milyard dollarlıq əməkdaşlıq çərçivəsində Oak Ridge Milli Laboratoriyasında iki yeni superkompüter – «Lux» və «Discovery» quracaq.

Layihə süni zəka və yüksək performanslı hesablama sahəsində ABŞ-ın üstünlüyünü qorumağa yönəlib. «AMD» bildirib ki, bu əməkdaşlıq enerji, səhiyyə və milli təhlükəsizlik tədqiqatlarında yeni mərhələ açacaq.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

«Lux» 2026-cı ilin əvvəlində, «Discovery» isə 2028-ci ildə istifadəyə veriləcək. Hər iki sistem «HPE» və «Oracle» şirkətləri ilə birgə hazırlanır.

«AMD»-nin rəhbəri Liza Su deyib: «Biz Energetika Nazirliyi və Oak Ridge laboratoriyası ilə əməkdaşlıq edərək elm və innovasiyanın təməlini daha da sürətləndirməkdən qürur duyuruq».

Yeni sistemlər «AMD»-nin Instinct GPU-ları və EPYC CPU-larını birləşdirərək ölkənin hesablama gücünü artıracaq, eləcə də gələcək süni zəka alətlərini dəstəkləyəcək.

Energetika Nazirliyinin açıqlamasına əsasən, «Lux» ABŞ-da elm və tədqiqat üçün ilk müstəqil «AI fabriki» olacaq. O, biologiya, materialşünaslıq və təmiz enerji üzrə modellərin təlimi üçün istifadə ediləcək.

«Discovery» isə hazırda dünyanın ən güclü superkompüteri olan «Frontier»in varisi kimi planlaşdırılır. Lakin onun enerji və xərclərə uyğunluğunu qoruyub saxlaya biləcəyi hələlik sual altındadır. Bir sözlə, süni zəka yarışı qızışır!