«Samsung» TRUEBench təqdim etdi: süni zəka iş mühitində test olunur
«Samsung» TRUEBench platformasını təqdim etdi: süni zəkanın real iş mühitində mətn, analiz və tərcümə tapşırıqlarında səmərəliliyi ölçülür.
«Samsung» TRUEBench platforması ilə süni zəkanın işdə məhsuldarlığını sınaqdan keçirir
«sammyfans» xəbər verir ki, «Samsung» süni zəka modellərinin iş mühitində necə nəticə göstərdiyini ölçmək üçün TRUEBench adlı yeni platforma təqdim edib. Yeni alət real şəraitdə məhsuldarlığı qiymətləndirərək böyük dil modellərinin gündəlik iş tapşırıqlarındakı praktiki faydasını üzə çıxarır.
«Samsung Research» tərəfindən hazırlanan TRUEBench (Trustworthy Real-world Usage Evaluation Benchmark) kontent yaradılması, məlumat analizi, mətnin xülasəsi və tərcümə kimi biznes tapşırıqlarını əhatə edir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Platformada 10 kateqoriya və 46 alt-kateqoriya üzrə qiymətləndirmə həyata keçirilir, test dəstlərinin ümumi sayı isə 2 485-dir. Əsas üstünlüklərdən biri açıq istifadəyə verilməsi, nümunə bazası və reytinqlərin isə Hugging Face üzərindən təqdim olunmasıdır. İstifadəçilər eyni vaxtda 5 modeli müqayisə edərək ən faydalı aləti müəyyənləşdirə bilirlər.
Sistem çoxdilli mühit və müxtəlif dialoq ssenarilərini nəzərə almaqla yanaşı, dillərarası testlər vasitəsilə modellərin problemləri həll etmək bacarığını yoxlayır. Qiymətləndirmə meyarları insan mütəxəssislər tərəfindən müəyyən edildiyindən nəticələr maksimum obyektiv olur.
«TRUEBench məhsuldarlıq üçün yeni standart formalaşdıracaq və «Samsung»-un texnoloji liderliyini möhkəmləndirəcək» - deyə «Samsung Electronics»-in DX bölməsinin texniki direktoru və «Samsung Research»-un rəhbəri Paul (Kyungwhoon) Çeun bildirib.
Hazırda dünya üzrə şirkətlər süni zəkanın imkanlarını sınaqdan keçirir. «Samsung» isə vacib sual irəli sürür: «Süni zəka işimizi doğrudanmı yüngülləşdirir?». Bu suala cavab tapmaq üçün TRUEBench açıq şəkildə hər kəsin istifadəsinə təqdim olunub.
Bu xəbəri necə dəyərləndirirsiniz?
