“Nintendo” “Switch 2” sirlərini açıqlayan Genki-yə qarşı məhkəmə iddiası qaldırdı

“Nintendo” “Switch 2” dizaynını açıqlayan Genki-yə qarşı məhkəməyə gedir

“Ferra.ru”-ya istinadən “Mediahub.az” xəbər verir ki, “Nintendo” şirkəti “Switch 2” konsolu hələ rəsmi elan edilməmişkən onun dizaynını və detalları açıqlayan Genki və onun ana şirkəti Human Things-ə qarşı məhkəmə iddiası qaldırıb.

İddia Kaliforniyada verilib və “Nintendo” ticarət nişanlarının pozulması, yalan reklam və qeyri-sağlam rəqabət halları ilə bağlı kompensasiya tələb edir. Şirkət həmçinin Genki-nin “Switch” və “Switch 2” ilə bağlı bütün məhsullarının məhv edilməsini istəyir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Mübahisə dekabr 2024-cü ildə başlayıb. Həmin vaxt Genki “X” sosial şəbəkəsində “Switch 2” üçün aksesuar hazırladıqlarını açıqlamışdı. Yanvarda isə CES 2025 sərgisində cihazın 3D maketlərini nümayiş etdirmiş və orijinal qurğuya çıxışları olduğunu iddia etmişdilər.

Əlavə olaraq, Genki təqdimatında “Nintendo” loqotiplərindən istifadə edib və tədbirini “Direct” adlandıraraq, “Nintendo Direct”ə açıq göndərmə edib. Bu, “Nintendo”ya görə, istifadəçiləri çaşdıra və iki şirkət arasında saxta əlaqə təəssüratı yarada bilər.

Human Things-ə qarşı iddialara cavab vermək üçün 30 gün vaxt verilib. “Nintendo Switch 2” konsolunun rəsmi təqdimatı 5 iyun 2025-ci il tarixinə planlaşdırılıb.

Bəs bu qalmaqal yeni konsolun təqdimatına kölgə sala bilərmi? Məhkəmə bu suallara cavab verəcək.