Nigeriyada meningit epidemiyası: 151 nəfər ölüb – yardım gecikir

Nigeriyada meningit sürətlə yayılır: 151 nəfər ölüb, yardım gecikir

“The Independent”-ə istinadən “Mediahub.az” xəbər verir ki, Nigeriyada yayılan meningit epidemiyası 151 nəfərin ölümünə səbəb olub. Ən çox təsirlənənlər isə uşaqlardır.

Epidemiya ilk dəfə oktyabrda qeydə alınıb və artıq 36 ştatdan 23-nə yayılıb. Təkcə bu ilin əvvəlindən 74 nəfər həyatını itirib. Yerli səhiyyə qurumları bu artımı “narahatedici” adlandırır.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Nigeriya Xəstəliklərə Nəzarət Mərkəzi (NCDC) bildirir ki, əsas problem xəstələrin tibbi yardıma gec müraciət etməsidir. Çoxları xəstəxanaya yalnız ağırlaşmalar baş verdikdən sonra çatır.

ABŞ-ın bu il əvvəlindən Nigeriyaya yardımını kəsməsi vəziyyəti daha da ağırlaşdırıb. Ölkə uzun illərdir məhz bu yardımlarla səhiyyə sistemini ayaqda saxlayırdı.

Meningit əsasən ölkənin şimalında, quraq mövsümdə yayılır. Amma bu dəfəki epidemiya həm miqyası, həm də yayılma sürəti ilə əvvəlkilərdən fərqlənir. Hökumət isə Gavi alyansı vasitəsilə bir milyon doza peyvənd əldə etdiyini açıqlayıb.

Səhiyyə qurumları maarifləndirmə və diaqnostika tədbirlərini artırmağa çalışır. Ancaq MSF-nin (Sərhədsiz Həkimlər) Nigeriya nümayəndəsi Simba Tirima deyir ki, “hər həftə yüzlərlə xəstə və onlarca ölüm qeydə alınır.”

Onun sözlərinə görə, ən çox təsirlənənlər uzaq bölgələrdə yaşayan insanlardır: “Meningit çox sürətlə irəliləyir, bəzən 24 saata ağır fəsadlar verir.” O, kütləvi peyvənd kampaniyasına çağırış edib.