McDonald’s-ın süni zəka ilə hazırladığı Yeni il çarxı kəskin reaksiyadan sonra dayandırıldı
McDonald’s Niderlandın süni zəka ilə hazırladığı Yeni il reklamı “soyuq” təsvirlərə görə geri çəkilib. Tamaşaçı etirazı şirkəti reklama son qoymağa məcbur etdi.
McDonald’s-ın süni zəka ilə hazırladığı Yeni il reklamı tənqidlərdən sonra geri çəkildi
«TechRadar» xəbər verir ki, McDonald’s Niderlandın süni zəka ilə hazırladığı Yeni il çarxını tamaşaçıların kəskin reaksiyasından sonra ekranlardan yığışdırıb. Reklamın «ruhsuz» görüntüləri və qəribə dərəcədə xaotik üslubu qısa zamanda narazılıq doğurub.
Çarx The Sweetshop agentliyi tərəfindən hazırlanmışdı. Onların «The Gardening Club» adlandırılan öz mühərriki müxtəlif qısa, uğursuz bayram səhnələrini ardıcıl birləşdirirdi. Bir az «əyrilmiş» insanlar, qəribə əl formaları, alovlanan peçenyelər, həddindən artıq geniş açılmış gözlər… Yəni süni zəkanın tanış halüsinasiyaları yenidən səhnədə idi.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Reklam üç gündən sonra YouTube-dan silinib, əvvəlcə şərhlər bağlanıb, sonra video tam şəkildə siyahıdan çıxarılıb. Amma gec idi - artıq sosial şəbəkələrdə yayılıb.
Kampaniyanın istehsalçısı The Sweetshop vəziyyəti müdafiə etməyə çalışıb və bildirib ki, bu çarx «sadə AI fəndi» deyil, yeddi həftəlik intensiv əmək və on nəfərlik mütəxəssis qrupunun işi nəticəsində yaranıb. Bir sözlə, şirkət demək istəyib ki, süni zəka ilə «döyüşmək» də asan deyil.
Ancaq nəticə? Tamaşaçılar bunu daha çox yaradıcı risk deyil, keyfiyyətli reklamın əvəzinə ucuz yoldan getmək kimi gördülər. Çarxın yaratdığı narahatlıq, əlbəttə ki, McDonald’s-ın arzuladığı bayram ab-havasından çox uzaq idi.
Artıq süni zəka alətləri hər kəs üçün əlçatan və ucuzdur, bir çox marketinq komandaları reklamları bununla sürətlə hazırlayır. Bəs bu hadisə nə göstərdi? Hər şeyi AI ilə hazırlamaq olar, amma bu, həmişə yaxşı fikir olmur.
McDonald’s üçün uzunmüddətli zərər gözlənilmir, amma bu çarx brendlərin süni zəkanı oyuncağa çevirdikdə nə baş verə biləcəyinə dair daha bir nümunə kimi yadda qalacaq.
Bu xəbəri necə dəyərləndirirsiniz?
