İşıqla həyata: xərçəng üçün yeni təhlükəsiz müalicə üsulu
ABŞ alimləri LED işığı və qalay oksid nanohissəcikləri ilə xərçəng hüceyrələrini məhv edən təhlükəsiz fototermal terapiya hazırlayıb.
İşıq əsaslı terapiya - xərçəng müalicəsində yeni ümid
«Independent» yazır ki, ABŞ tədqiqatçıları xərçəngə qarşı LED işığı və qalay oksid nanohissəciklərini birləşdirən yeni terapiya hazırlayıblar. Məqsəd - xərçəng hüceyrələrini məhv edib sağlam hüceyrələri qorumaqdır.
Yeni üsul fototermal terapiya adlanır. Yəni işığın istiliyindən istifadə edərək şiş hüceyrələri məhv olunur. Bu dəfə isə ənənəvi lazerlər əvəzinə sadə və ucuz LED sistemlər tətbiq edilib. Bu, həm də sağlam toxumalara ziyan vermir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Təcrübələrdə LED işığı ilə SnOx nanohissəcikləri 30 dəqiqə ərzində dəri xərçəngi hüceyrələrinin 92 faizini, bağırsaq xərçəngi hüceyrələrinin isə yarısını məhv edib. Sağlam dəridə dəyişiklik müşahidə olunmayıb. Bəs bu, gələcəkdə kimyaterapiyanı əvəz edə bilərmi?
Alimlər bildirirlər ki, SnOx nanohissəcikləri yaxın infraqırmızı işığı güclü şəkildə udur və istiliyi məhz xərçəng hüceyrələrində cəmləyir. Bu zaman sağlam hüceyrələr qorunur, çünki onlar istiliyə daha az həssasdır.
Kimyaterapiya və radioterapiya bədənin bütün hüceyrələrinə təsir göstərərək yorğunluq, orqan zədələnməsi kimi fəsadlar yaradır. Yeni fototermal üsul isə yalnız işıqda qızdırılan hissədə təsir göstərir - sistemik zəhərlənmə və yara izləri yoxdur. Bir sözlə, daha humanist müalicə mümkündür.
Bu texnologiya artıq laborator mərhələsində yüksək nəticə göstərib. Alimlər yaxın gələcəkdə onu insan üzərində klinik sınaqlarda yoxlamağı planlaşdırır. Əgər nəticə dəyişməzsə, işıqla xərçəngin müalicəsi reallığa çevriləcək.
Bu xəbəri necə dəyərləndirirsiniz?
