Britaniya xəstəxanalarında süni zəka sənədləşməni avtomatlaşdırır

NHS xəstəxanalarında süni zəka – xəstələr evə daha tez buraxılacaq

«Independent» xəbər verir ki, Britaniya hökuməti «NHS» xəstəxanalarında süni zəka texnologiyasını tətbiq etməklə xəstələrin buraxılışını sürətləndirməyi və lazımsız gecikmələrin qarşısını almağı hədəfləyir. Yeni platforma buraxılış üçün tələb olunan sənədləri saniyələr ərzində hazırlayır.

İllərdir həkimlərin əl ilə doldurduqları formaları indi sistem avtomatik tamamlayır. Buna görə də xəstələr uzun gözləməyə məruz qalmayacaq, xəstəxana çarpayıları isə daha tez boşalacaq.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Səhiyyə naziri Ves Stritinq bildirib ki, bu addım həkimləri kağız işlərindən azad edəcək və onlara müalicəyə daha çox vaxt ayırmağa imkan yaradacaq: «Gözləmə müddəti azalacaq, xəstələr ailəsinə tez qovuşacaq».

Hazırda texnologiya «Chelsea and Westminster NHS Trust» xəstəxanasında sınaqdan keçirilir. Sistem xəstənin diaqnozu, analizləri və tibbi tarixindən çıxış edərək ilkin xülasə hazırlayır, sənəd isə həkimlər tərəfindən təsdiqlənir.

Bu alət «NHS Federated Data Platform» üzərindən işləyəcək. Məqsəd müxtəlif səhiyyə qurumlarını əlaqələndirərək xidmət keyfiyyətini yüksəltməkdir. Əvvəlki manual prosedurlar tez-tez həkimlərin vaxt azlığı səbəbindən gecikmələr yaradırdı.

Stritinq qeyd edib ki, bu yenilik dövlətin 10 illik rəqəmsallaşma planının tərkib hissəsidir: «Sovetvari kağızlardan rəqəmsal dövrə keçiririk, süni zəka isə prosesi sürətləndirəcək». Baş nazir Kir Starmer də layihəni dəstəkləyərək, süni zəkanın həm iqtisadiyyata, həm də ictimai xidmətlərə töhfə verəcəyini vurğulayıb.

Bənzər proqramların digər sahələrdə də istifadəsi nəzərdə tutulub. Yaxın aylarda 12 min probasiya məmurunun görüş və qeydlərinin də eyni texnologiya ilə avtomatlaşdırılması planlaşdırılır. Texnologiya naziri Piter Kayl isə Chelsea and Westminster Xəstəxanasında deyib: «Məhz belə dəyişikliklər bizə lazımdır. Süni zəka işçilərə vaxt qazandırır, xidmətləri sürətləndirir».

Onun sözlərinə görə, hökumət illərlə zəif maliyyələşmə səbəbindən geri qalmış qurumları yeniləməyi qarşısına məqsəd qoyub: «Əgər texnologiyanı düzgün tətbiq etsək, bürokratiyadan çox insanlara sərmayə qoymuş olarıq. Nəticə isə milyardlarla funt məhsuldarlıqdır».

Beləliklə, xəstələrin saatlarla dəhlizlərdə gözləməsi tezliklə keçmişdə qala bilər. Amma açıq qalan sual budur: bu dəfə gözləntilər gerçəyə çevriləcəkmi?