Çində «Xpeng Motors» sükan nasazlığına görə tənqid olunur
Çində «Xpeng P7+» avtomobillərinin sükan sistemi ilə bağlı qalmaqal dərinləşir. Şirkət rəsmi geri çağırışdan yayınmaqda ittiham olunur.
Çində «Xpeng P7+» avtomobillərinin sükan qalmaqalı böyüyür
«carnewschina» xəbərinə görə, «Xpeng Motors» son günlər «P7+» elektrik avtomobillərinin sükan sistemində ortaya çıxan qüsurlara görə sərt tənqid olunur. Şirkət rəsmi geri çağırış elan etməyib, əvəzində isə qüsurlu hissələri səssiz şəkildə dəyişməklə kifayətlənib.
Avtomobil sahibləri sükanın qəfil sıradan çıxması və ya bloklanması barədə çoxsaylı şikayətlər ediblər. Buna baxmayaraq, Xpeng nə problemin sistemli xarakterini qəbul edib, nə də kütləvi geri çağırış addımına gedib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Araşdırmada qeyd edilir ki, şirkət ikili üsuldan istifadə edir: adi servis baxışında gizlicə xüsusi maddə tətbiq olunur, ən çox şikayət edən müştərilərə isə yeni sükan sistemi quraşdırılır. Lakin paralel olaraq geniş problem faktı inkar olunur.
Şençjendə yaşayan xanım Qan şirkəti «bizim həyatımızla qumar oynayırlar» – sözləri ilə sərt tənqid edib. O bildirib ki, avtomobil zolaq dəyişərkən sükanın gözlənilməz hərəkəti təhlükəli vəziyyət yaradıb. Bəzi hallarda isə quraşdırılmış yeni sükan da az vaxtda yenidən sıradan çıxıb.
Məsələ «Xpeng»-in Quançjou qərargahına da çatıb. Müştəri meneceri Ley Çanlyanq bildirib ki, geri çağırış qərarları yalnız tənzimləyicilərlə razılaşdırıldıqdan sonra qəbul olunur, servis xidmətləri isə ayrıca idarə edilir.
Sənaye mütəxəssislərinin fikrincə, bu yanaşma şirkətə geri çağırış qaydalarını dolanmaq və əlavə xərclərdən yayınmaq imkanı verir. Beləliklə, hər avtomobilin nasaz hissəsi ayrıca dəyişdirilir, kütləvi problem isə rəsmən görünməz saxlanılır.
Çin hakimiyyəti artıq smart avtomobillərdə OTA yenilənmələrinə nəzarəti gücləndirməyi planlaşdırır. Mütəxəssislər haqlı olaraq soruşur: «Xpeng»in cəmi doqquz ayda doqquz əsas yenilənmə təqdim etdiyi halda, bu dəyişikliklərin hamısı tənzimləyicilərə vaxtında çatdırılıbmı?
Qeyd edək ki, «Economic Information Daily» hələ 2025-ci ilin iyul və avqust aylarında problemdən yazmışdı. İndi isə qalmaqal daha da güclənib və diqqət mərkəzində qalır.
Bu xəbəri necə dəyərləndirirsiniz?
