Afrika iki hissəyə ayrılır: Şərqi Afrikada yeni okean yarana bilər
Şərqi Afrika Rift Sistemi Afrikanı iki lövhəyə ayırır. Alimlər 5-10 milyon ilə Somal və Nubiya lövhələri arasında okean yarana biləcəyini deyir.
Afrika iki hissəyə ayrılır: Şərqi Afrikada gələcəkdə yeni okean yarana bilər
«IFLScience» yazır ki, Afrika tədricən iki hissəyə ayrılır və milyon illər sonra Şərqi Afrika materikin qalan hissəsindən qoparaq iki quru sahəsi arasında yeni okeanın yaranmasına gətirib çıxara bilər.
Bu böyük geoloji proses Şərqi Afrika Rift Sistemi (EARS) ilə əlaqələndirilir. Dünyanın ən iri rift zonalarından sayılan bu sistem minlərlə kilometr uzanır və Efiopiya, Keniya, Konqo Demokratik Respublikası, Uqanda, Ruanda, Burundi, Zambiya, Tanzaniya, Malavi və Mozambik daxil olmaqla bir sıra ölkələrdən keçir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Məqalədə qeyd olunur ki, rift zonası Afrikanın tektonik plitəsinin iki hissəyə ayrılması deməkdir: Somal lövhəsi (daha kiçik) və Nubiya lövhəsi (daha böyük) bir-birindən çox yavaş - ildə cəmi millimetrlərlə - uzaqlaşır. Bu, 2004-cü il tarixli araşdırmada da vurğulanıb.
2018-ci ildə Keniyada yaranan böyük çatla bağlı görüntülər geniş yayılmış, hətta bəziləri bunu «Afrika gözümüzün qabağında iki yerə ayrılır» kimi təqdim etmişdi. Yazıda isə bunun EARS ilə əlaqəli olsa da, prosesi «canlı sübut» kimi göstərməyin bir qədər yanıltıcı olduğu bildirilir.
Əsas məsələ başqa yerdədir: daha 5-10 milyon il sonra rift sistemindəki dəyişikliklər nəticəsində Somal və Nubiya lövhələri arasında yeni okeanın formalaşması ehtimal edilir. Bir sözlə, Afrika materiki Şərq “çiyini”ni itirə, böyük su hövzəsi isə Şərqi Afrikanı qitənin qalan hissəsindən ayıra bilər. Bəs bu yenilik bizə nə verəcək? Əslində, bu sual hələ açıq qalır - çünki proses insan ömrü ilə ölçülməyəcək qədər uzundur.
Məqalə xatırladır ki, Yer səthi daim dəyişir: Avrasiya, Amerikalar, Afrika, Antarktida və Okeaniyanın bu gün gördüyümüz görünüşü tektonik lövhələrin sanki pazl kimi birləşməsinin nəticəsidir və həmin “pazl hissələri” milyon illər ərzində yerini dəyişir.
Qeyd olunub ki, bu yazının əvvəlki versiyası 2023-cü ilin martında dərc edilib.
Bu xəbəri necə dəyərləndirirsiniz?
