ABŞ Yaponiyada «Typhon» raket sistemi yerləşdirdi

ABŞ Yaponiyada «Typhon» raket sistemi yerləşdirdi

«niezalezna» xəbər verir ki, ABŞ dəniz piyadalarının İvakuni hərbi hava bazasında müvəqqəti olaraq qurulan «Typhon» raket sistemi Çin, Rusiya və Şimali Koreyaya qədər hədəfləri vura biləcək imkanlara malikdir.

«The Japan Times» məlumatına görə, sistemin Yaponiyaya gətirilməsi sentyabrın 11-də başlayacaq «Resolute Dragon 2025» hərbi təlimləri ilə üst-üstə düşür. Bu manevr Yaponiya və ABŞ-ın son illərdə keçirdiyi ən iri birgə hərbi əməliyyatlardan biridir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Vaşinqton ötən həftə bəyan edib ki, Rusiyanın Yapon dənizində keçirdiyi təlimlər fonunda bu sistemdən manevrlərdə istifadə olunacaq. Rəsmi adı Mid-Range Capability olan «Typhon», həm SM-6, həm də «Tomahawk» tipli raketləri buraxa bilir. SM-6 320 km-dən çox, «Tomahawk» isə təxminən 1500 km məsafəyə çata bilir.

Ekspertlərin fikrincə, sistemin əsas üstünlüklərindən biri onun mobil olmasıdır ki, bu da digər bölgələrə asanlıqla daşınmasına şərait yaradır.

«Armyrecognition» portalı yazır ki, bu yerləşdirmə region üçün ciddi nəticələr doğura bilər. Çünki «Typhon» Çinin şərq sahillərinə, Tayvan boğazına və Şərqi Çin dənizindəki əməliyyatlara təzyiq imkanı verir.

Eyni zamanda, Rusiyanın Uzaq Şərqdəki mövqeləri və zəif Sakit okean donanması da əlavə risk altına düşür. ABŞ indi istəsə, Oxotsk dənizindəki bazaları və gəmiçiliyi hədəfləyə bilər.

Şimali Koreya üçün də təhdid böyüyür: İvakunidən atılacaq «Tomahawk» raketləri Pxenyandakı komanda mərkəzlərini, raket siloslarını və möhkəmləndirilmiş mövqeləri məhv edə bilər.

Avqustun 30-da isə Moskva və Pekin Tokionu sərt şəkildə tənqid edib. Onların rəyinə görə, Yaponiyanın ABŞ-a «Typhon» sistemi yerləşdirməyə icazə verməsi təhlükəli addımdır və Tokio bu qərarı yenidən nəzərdən keçirməlidir.