Yaponiyada kriptovalyuta təhlükəsizliyi güclənir - yeni qeydiyyat qaydası 2026-da gəlir
Yaponiya 2026-cı ildən kriptovalyuta mühafizə şirkətləri üçün dövlət qeydiyyatını məcburi edir. Məqsəd - investorların vəsaitlərini qorumaqdır.
Yaponiya 2026-da kriptovalyuta mühafizə qaydalarını sərtləşdirir
«Coinpedia» yazır ki, Yaponiya 2026-cı ildən kriptovalyuta aktivlərinin saxlanması və idarə olunmasına dair yeni dövlət qeydiyyatı tələb edəcək. FSA-nın (Maliyyə Xidmətləri Agentliyi) məqsədi bütün kripto mühafizə şirkətlərinin rəsmi qeydiyyatdan keçməsini və təhlükəsizlik normalarına tam uyğunluğunu təmin etməkdir.
Hazırda Yaponiyada kripto birjaları ciddi nəzarət altındadır - onların əksəriyyəti aktivləri soyuq cüzdanlarda saxlayır və daxili nəzarət sistemlərinə malikdir. Amma bir boşluq qalır: birjaların cəlb etdiyi xarici mühafizə və ticarət xidməti təminatçılarına eyni qaydalar şamil edilmir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Bu boşluq 2024-cü ildə aydın şəkildə üzə çıxdı. Hakerlər «DMM Bitcoin» birjasını hədəf alaraq 48,2 milyard yen (təxminən 312 milyon dollar) dəyərində bitcoin oğurlamışdılar. Hücum birjanın deyil, onunla əməkdaşlıq edən «Ginco» adlı üçüncü tərəf proqram şirkətinin sistemləri vasitəsilə həyata keçirilmişdi. Yəni, təhlükəsizlik qaydaları birjanın içində güclü olsa da, kənar tərəf bütün sistemi risk altına sala bilərmiş.
Yeni qaydalara görə, kripto mühafizəsi və ya ticarət xidmətləri göstərən hər bir şirkət əvvəlcə hökumət tərəfindən qeydiyyatdan keçməlidir. Birjalar yalnız bu siyahıya daxil şirkətlərlə əməkdaşlıq edə biləcəklər. Qısası, istifadəçi aktivlərinə toxunan hər kəs eyni təhlükəsizlik standartlarını ödəməlidir.
Yaponiyanın Maliyyə Sistemi Şurası 7 noyabrda bu təklifi müzakirə edib və «Nikkei» məlumatına görə, üzvlərin çoxu dəyişiklikləri dəstəkləyib. FSA 2026-cı il parlament sessiyasında müvafiq qanun dəyişikliklərini təqdim etməyi planlaşdırır.
Bu təşəbbüslə Yaponiya həm də rəqəmsal maliyyə sahəsində lider mövqeyini qorumağa çalışır. Agentlik bu yaxınlarda ölkənin ilk yenlə dəstəklənən stabilkoini - «JPYC»-ni təsdiq edib və «Mizuho», «MUFG» və «SMBC» banklarının iştirak etdiyi pilot layihəni dəstəkləyir. Bir sözlə, Yaponiya kripto bazarında təhlükəsiz, amma inkişaf yönümlü addımlar atmaq istəyir.
Bu xəbəri necə dəyərləndirirsiniz?
