“Xiaomi SU7” qəzaya uğradı – avtopilot rejimi 3 nəfərin həyatına son qoydu

“Xiaomi SU7” avtopilot rejimində qəzaya uğradı – 3 nəfər həyatını itirdi

“NotebookCheck”-ə istinadən “Mediahub.az” xəbər verir ki, Çində “Xiaomi SU7” elektromobili avtopilot rejimində qəza törədib. Hadisə nəticəsində 3 nəfər həyatını itirib.

Qəza 29 mart 2025-ci ildə Anhui vilayətinin Tonlinq şəhərində baş verib. Bildirilir ki, avtomobilin “Navigate on Autopilot” (NOA) rejimi aktiv olub və maksimum 116 km/saat sürətə çatıb. Qəza anında sürət təxminən 97 km/saat olub və avtomobil yol kənarındakı dəmir baryerə çırpılıb.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Yolun təmirə bağlanması səbəbindən avtomobilin zolaq dəyişdirməsi qəfildən baş verib. Sürücü idarəyə son anda nəzarət etməyə çalışsa da, toqquşmanın qarşısını almaq mümkün olmayıb. Nəticədə avtomobil alovlanıb və içəridəki 3 sərnişin həlak olub.

Hazırda NOA sisteminin qəza ilə birbaşa əlaqəsi təsdiqlənməyib. “Xiaomi” isə istintaqla tam əməkdaşlıq etdiyini, avtomobilin bütün sistem və məlumatlarını polisə təqdim etdiyini bildirib.

Hadisə şirkətin bazar dəyərinə də təsir edib. 28 martda Honq Konq birjasında 51 HKD olan “Xiaomi” səhmləri 44.55 HKD-yə düşüb. Qəza, həm də şirkətin yaxın vaxtlarda təqdim edəcəyi ikinci model – YU7 üçün mənfi fon yaradıb.