Xabib Nurməhəmmədov və MultiBank - milyardlıq rəqəmsal idman ittifaqı
MultiBank Group və Xabib Nurməhəmmədov Dubayda dünyanın ilk tənzimlənən tokenləşdirilmiş idman ekosistemini yaratmaq üçün ortaq layihə qurur.
Xabib Nurməhəmmədov və MultiBank Group - milyardlıq rəqəmsal idman ittifaqı
«TechStartups» xəbər verir ki, MultiBank Group və məşhur UFC çempionu Xabib Nurməhəmmədov Dubayda dünyanın ilk tənzimlənən tokenləşdirilmiş idman ekosistemini yaratmaq üçün çoxmilyardlıq ortaq layihəyə start veriblər.
Yeni şirkət - MultiBank Khabib LLC - qlobal maliyyə, idman və texnologiya sahələrini birləşdirəcək. Layihə MultiBank Group-un Dubaydakı qərargahından idarə olunacaq və dünya üzrə yüksək səviyyəli idman müəssisələrinin, həmçinin rəqəmsal aktivlərin inteqrasiyasını təmin edəcək.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Bu struktur MultiBank Group-un təsisçisi və sədri Naser Tahirin vizionuna uyğun olaraq yaradılıb. Şirkət Xabib brendi altında 30 müasir «Khabib Gym» mərkəzi və «Eagle FC» layihələrini inkişaf etdirmək hüququnu əldə edib.
Təşəbbüsün əsasında MultiBank Group-un tənzimlənən rəqəmsal ekosistemi və onun əsas gücü sayılan $MBG tokeni dayanır. Bu token real aktivlərin tokenləşdirilməsi texnologiyalarında əsas rol oynayacaq.
Naser Taher bildirib ki, bu layihə idmanın biznes modelinə yeni yanaşma gətirir: «Biz BƏƏ-dan idmanı rəqəmsal aktivlər və şəffaf texnoloji platformalar vasitəsilə yenidən qururuq».
Xabib Nurməhəmmədov isə deyib: «Bu əməkdaşlıq - güc, hörmət və intizam dəyərlərinə əsaslanır. Biz idmanın hüdudlarını aşaraq idmançılar və azarkeşlər üçün real qlobal imkanlar yaradırıq. Bu hələ başlanğıcdır».
MultiBank Group 2005-ci ildə Kaliforniyada yaradılıb. Bu gün qurum 100-dən çox ölkədə 2 milyondan çox müştəriyə xidmət göstərir və gündəlik 35 milyard dollar dövriyyə ilə fəaliyyətini davam etdirir.
Bir sözlə, Dubayda atılan bu addım idman, maliyyə və texnologiya dünyasının sərhədlərini yenidən müəyyənləşdirə bilər.
Bu xəbəri necə dəyərləndirirsiniz?
