Viktor Bonifas «Milan»a keçir: 30 mln avroluq transfer razılığı
«AC Milan» və «Bayer Leverkusen» Viktor Bonifasın icarəsi barədə razılaşıb. 5 mln avro icarə, 24 mln avro opsiya və müqavilə 2030-a qədər.
Viktor Bonifas «AC Milan»a qoşulur: 5 milyon avro icarə və satınalma şərti
«Softfootball» xəbərinə görə, «AC Milan» ilə «Bayer Leverkusen» arasında danışıqlar nəticələnib və tərəflər Viktor Bonifasın transferi üçün razılığa gəlib. Müqavilə şərtlərinə əsasən, futbolçu bir illik icarə ilə «rossoneri»yə qoşulacaq.
Razılaşmada 5 milyon avroluq icarə haqqı və əlavə olaraq 24 milyon avro satınalma opsiyası yer alır. Bu bənd məcburi deyil və 2026-cı ilin yayına qədər qüvvədə qalacaq.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Tanınmış jurnalist Fabrizio Romano rəsmi açıqlamasında bildirib ki: «Viktor Boniface «Milan»a gəlir! Razılaşma tərəflər tərəfindən təsdiqlənib, müqavilə isə 2030-cu ilə qədər nəzərdə tutulur». Onun sözlərinə görə, futbolçunu yaxın günlərdə tibbi müayinələr gözləyir.
«Milan» yayın əvvəlindən hücum xəttini gücləndirmək üçün axtarışda idi. Klub Rasmus Höylund və Dusan Vlahoviç kimi adlarla maraqlansa da, onların transferləri yalnız məcburi satınalma əsasında mümkün idi. Bu səbəbdən seçim Bonifas üzərində dayandı.
Nigeriyalı forvard 2023-cü ildə «Union Saint-Gilloise» klubundan «Bayer Leverkusen»ə 22,6 milyon avroya keçmişdi. Ötən mövsüm Bundesliqada 27 oyunda 11 qol və 2 məhsuldar ötürmə ilə yadda qalıb.
Bəzi Avropa klubları da futbolçu ilə maraqlansa da, «Milan» sürətli davranaraq transferi reallaşdırmağa yaxınlaşıb. Gözlənilir ki, Bonifas tezliklə yeni klubla rəsmi olaraq açıqlanacaq və həm A seriyasında, həm də Çempionlar Liqasında forma geyinə biləcək.
Bu xəbəri necə dəyərləndirirsiniz?
