TVR yeni Griffith-i buraxır: V8 güc geri qayıdır
TVR Charge Holdings-in yatırımı ilə yeni V8 Griffith-i istehsala hazırlayır və gələcəkdə elektrikləşdirilmiş model də mümkündür.
TVR yeni V8 Griffith-i istehsala hazırlayır - elektrik versiyası da gündəmdə
«Car and Driver» yazır ki, Charge Holdings-in maliyyə dəstəyi sayəsində TVR uzun illərdir gözlənilən V8 Griffith modelini nəhayət bazara çıxarmağa yaxınlaşıb.
Britaniyanın ən dəli avtomobil istehsalçılarından sayılan TVR illərdir iflaslara, geri dönüşlərə və daha bir iflasa sinə gərib. İndi isə şirkət yenidən nəfəs alıb və məşhur Griffith adını dirçəltməyə hazır görünür. Modelin 1960-cı illərə gedib çıxan tarixi var və sonrakı nəsillər Rover V8-lə tanınıb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Bu dəfə isə avtomobilin Ford-un 5.0-lik V8 mühərriki ilə təxminən 500 at gücü verməsi gözlənilir. Charge Holdings-in Ford-la əməkdaşlıq təcrübəsi də var - şirkət bir vaxtlar rəsmi icazə ilə elektrikləşdirilmiş 1967 Mustang hazırlayan Charge Cars-ın sahibiydi.
TVR-in öz hekayəsi isə hər zaman enişli-yoxuşlu olub. Trevord Uilkinsonun Bləkpuldakı emalatxanasından başlayan marka illər ərzində dəfələrlə dirilib və bir o qədər də batıb. Amma görəsən, niyə ona hələ də bu qədər bağlılıq var? Bəlkə də Sagaris kimi «çılğın» dizaynlı modellərə görə. Ya da şirkətin «çoxdursa, deməli düzgündür» fəlsəfəsinə görə.
Charge Holdings-in planlaşdırmasına əsasən, TVR-in gələcəyində elektrifikasiya da var. Bu, batareya paketlərindən tutmuş hibrid sistemlərə qədər hər şeyi ifadə edə bilər. Bir sözlə, TVR yenə sürprizlərə açıqdır.
Şirkət hələlik ayaqda qalmağı bacarır və görünür, nəfəsi yetdikcə mübarizəni davam etdirəcək. Britaniya avtomobil dünyasında isə buna görə sevinənlər az deyil.
Bu xəbəri necə dəyərləndirirsiniz?
