TikTok-un sahibi ByteDance təqdim etdi: Seedream 4.0 qorxu və heyranlıq yaratdı
ByteDance-in Seedream 4.0 süni zəka aləti interneti sarsıtdı. Fotolar real ilə saxtanı ayırd etmir, ekspertlər isə təhlükələr barədə xəbərdarlıq edir.
ByteDance-in Seedream 4.0 süni zəka aləti interneti silkələdi
«TechRadar» xəbər verir ki, ByteDance-in təqdim etdiyi yeni Seedream 4.0 süni zəka aləti həm heyranlıq, həm də qorxu yaradıb. Alqoritmin yaratdığı fotolar real təsir bağışlayır və insanlarda çaşqınlıq yaradır: harada həqiqət, harada saxtalıq?
TikTok-un sahibi ByteDance-in yeni texnologiyası rəqibləri də kölgədə qoyub. Son günlər Google Nano Banana modeli müzakirə mövzusu olsa da, indi diqqət Seedream 4.0-dadır. «Artificial Analysis» nəticələrinə əsasən, yeni model «mətn-foto» və foto-redaktə üzrə lider olub və Google Gemini 2.5 Flash modelini keçib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Testlərdə istifadəçilərə müxtəlif süni zəka fotoları göstərilib, amma hansı modeldən çıxdığı gizlədilib. Nəticədə Seedream 4.0 – 1205 ELO xalı ilə birinci olub, Nano Banana isə 1201 xalla ikinci yeri tutub.
Hazırda modelə fal.ai, Replicate və elə ByteDance vasitəsilə birbaşa çıxış mümkündür. Qiymət də açıqdır: 1000 şəkil üçün 30 dollar.
Reddit istifadəçisi Thatunkownuser2465 öz nümunələrini paylaşaraq göstərib ki, baxanlar real ilə süni foto arasında fərq qoya bilmir. Əgər əvvəllər saxta şəkilləri tez "tapmaq" mümkün idisə, indi sərhəd tamamilə itib.
Ekspertlər xəbərdarlıq edirlər: daha öncə yaşlı nəsil saxta zənglər və e-maillərin qurbanı olurdu. İndi isə gənclər də süni zəka fotoları ilə manipulyasiyaya düşə bilərlər.
Bir sözlə, böyük sual açıq qalır: bundan sonra gördüyümüz hansı foto həqiqətən real olacaq?
Bu xəbəri necə dəyərləndirirsiniz?
