Sunwoda 400 Wh/kg bərkhal batereya təqdim etdi - 1000 km məsafə mümkün!
Sunwoda 400 Wh/kg enerji sıxlığına malik yeni bərkhal batereya təqdim edib. 1000 km məsafə və 1200 dövr ömrü ilə elektromobil bazarında inqilab vəd edir.
Sunwoda 400 Wh/kg bərkhal batereya təqdim etdi - 1000 km məsafə mümkün!
«CarNewsChina» xəbər verir ki, Li Auto-nun dəstək verdiyi Çin şirkəti Sunwoda Electronic Co., Ltd. Pekində keçirilən «Yeni Enerji Batereya Sənayesinin İnkişaf Konfransında» 400 Wh/kg enerji sıxlığına malik yeni nəsil polimer bərkhal batereyasını təqdim edib.
Şirkət bildirir ki, «Xin·Bixiao» adlı bu batereya mövcud litium-ion modellərdən 14-60% daha effektivdir və 1000 km-dən çox yürüş imkanı yaradır. Üstəlik, 1200 dövr ömrü və 80%-dən yüksək tutum saxlanması sayəsində belə batareyalar avtomobillərdə on ilədək istismar oluna bilər.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Sunwoda-nın laboratoriya mərhələsində hazırladığı litium-metal anodlu prototip artıq 520 Wh/kg səviyyəsinə çatıb - bu isə gələcək bərkhal texnologiyalarına doğru atılmış ciddi addım sayılır. Təhlükəsizlik sınaqları da ilkin mərhələdə tamamlanıb.
Yeni batereyanın performansı xaçvari polimer elektrolit və təbəqəli litium-metal anodun birləşməsinə əsaslanır. Bu struktur ion keçiriciliyini artırır və dendrit əmələgəlməni azaldır. Üstəlik, Sunwoda bahalı sulfid elektrolitlərindən imtina etməklə istehsal xərclərinə də qənaət etməyi hədəfləyir.
Şirkət 2025-ci ilin sonunadək 0,2 GWh-lıq pilot istehsal xəttini tamamlamaq, 2026-cı ildə kiçik partiyalar buraxmaq və 2027-dən etibarən GWh miqyasında istehsala keçməyi planlaşdırır. Hazırda avadanlıq alınması və tikinti mərhələsi yekunlaşma ərəfəsindədir.
Sunwoda artıq bir neçə elektromobil startapı və lüks markalarla əməkdaşlıq aparır. Bəzi modellərin 2026-cı ildən etibarən «Xin·Bixiao» batereyası ilə təchiz ediləcəyi iddia olunur. Çin Avtomobil İstehsalçıları Assosiasiyasının nümayəndəsi Çen Şixua hesab edir ki, bu batereyaların kütləvi istehsalı ölkənin texnoloji mövqeyini daha da gücləndirəcək.
Müstəqil mənbələr bildirir ki, Sunwoda hal-hazırda Li Auto, Nio, Xpeng, SAIC, GAC və Dongfeng kimi istehsalçılarla təchizat əlaqələrinə malikdir, lakin konkret istehsal müqaviləsi hələ təsdiqlənməyib. Şirkət həmçinin «XTC New Energy Materials» ilə bərkhal batereya materiallarının inkişafına dair tərəfdaşlıq razılaşması imzalayıb.
Bir sözlə, bu texnologiya elektromobil bazarında yeni mərhələnin başlanğıcını xəbər verir.
Bu xəbəri necə dəyərləndirirsiniz?
