Süni zəka üçün kosmosda məlumat mərkəzi - Google-ın cəsarətli addımı diqqət çəkir
Google 2027-də günəş enerjisi ilə işləyən kosmik məlumat mərkəzlərini sınaqdan keçirməyi planlaşdırır. Şirkət bunu süni zəka dövrünün enerji ehtiyacına cavab sayır.
Google 2027-də kosmosda günəş enerjili məlumat mərkəzlərini işə salmağı planlaşdırır
«TechSpot» yazır ki, Google süni zəkanın artan enerji tələbatı fonunda 2027-ci ildən etibarən kosmosda günəş enerjisi ilə işləyən məlumat mərkəzlərini sınaqdan keçirmək niyyətindədir.
Şirkətin rəhbəri Sundar Pichai bildirib ki, «Project Suncatcher» adlı təşəbbüs enerji baxımından ağır məlumat mərkəzlərini daha səmərəli şəkildə təmin etmək üçün hazırlanıb. Söhbət Orbitdə quraşdırılacaq kiçik aparat raflarından gedir və Google onları Planet şirkəti ilə birlikdə iki prototip peyk vasitəsilə göndərməyi planlaşdırır.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Pichai-nin sözlərinə görə, yaxın on ildə kosmosda yerləşən nəhəng günəş enerjili qurğular adi hala çevrilə bilər. Bir sözlə, süni zəkanın enerji aclığı şirkətləri yeni həll yolları axtarmağa vadar edir.
Google ötən ay layihəni «tədqiqat məqsədli bir moonshot» adlandıraraq bu sistemlərin lazer bağlantıları vasitəsilə bir-biri ilə ünsiyyət quran TPU əsaslı peyk dəstələrindən ibarət olacağını açıqlamışdı.
2024-cü ildə Lawrence Berkeley Milli Laboratoriyasının hesabatı göstərmişdi ki, ABŞ məlumat mərkəzləri ölkənin elektrik enerjisinin artıq 4 faizindən çoxunu istehlak edir və 2028-ə qədər bu göstəricinin 12 faizə yüksələcəyi gözlənilir. Bəs belə artım fonunda ən doğru yol nədir? Google-a görə cavab kosmosda gizlidir.
Şirkət hesab edir ki, kosmik miqyasda maşın öyrənməsi infrastrukturunun qurulması həm enerji tələbatını ödəyəcək, həm də bunu daha dayanıqlı üsulla - günəş enerjisi ilə gerçəkləşdirəcək.
Qeyd edək ki, Amazon-un qurucusu Ceff Bezos da yaxın 20 ildə kosmosda günəş enerjili məlumat mərkəzlərinin geniş yayılacağını düşünür. Əslində bu sual hələ açıq qalır, amma görünən odur ki, texnologiya nəhəngləri baxışlarını orbitə çeviriblər.
Bu xəbəri necə dəyərləndirirsiniz?
