Süni zəka mərkəzlərinin böhranı: elektrik enerjisi tükənir
AI bumunun fonunda məlumat mərkəzləri elektrik çatışmazlığı ilə üzləşir. Ekspertlər xəbərdarlıq edir: süni zəka sənayesini enerji böhranı gözləyir.
Süni zəka mərkəzlərinin böhranı: elektrik enerjisi tükənir
«Startuphub.ai» xəbər verir ki, süni zəkanın inkişafı artıq yalnız alqoritmlərdən ibarət deyil - əsas məsələ onun yerləşdiyi infrastrukturda gizlənib. Ekspertlər xəbərdarlıq edir: məlumat mərkəzləri elektrik enerjisi çatışmazlığı ilə ciddi sınaqlardan keçir.
Guggenheim Securities şirkətinin baş direktoru Aleks Ramirez CNBC-yə bildirib ki, Şimali Amerikada məlumat mərkəzlərində boş yerlərin səviyyəsi 3 faizdən azdır, bəzi əsas bazarlarda isə bu göstərici cəmi 1 faiz civarındadır. Yəni tələb təklifi çoxdan ötüb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Ən böyük problem torpaq və tikinti materialları deyil, məhz elektrik enerjisidir. Ramirezin sözlərinə görə, bu çatışmazlıq zamanla yalnız dərinləşəcək. 2030-cu ilə qədər təklif və tələb arasında 10 giqavatlıq fərq yarana bilər - bu, indiki enerji sistemini silkələyə biləcək miqyasda bir rəqəmdir.
Yeni enerji infrastrukturunun yaradılması da asan məsələ deyil. Bəzi bölgələrdə əlavə şəbəkə gücü əldə etmək 5-7 il çəkə bilər. Bu isə o deməkdir ki, indi atılan addımların nəticəsi illər sonra görünəcək.
Hazırda məlumat mərkəzləri dünya üzrə elektrik enerjisinin təxminən 2-3 faizini istehlak edir. Amma süni zəkanın böyüməsi ilə bu rəqəm yaxın 5-6 ildə 10-12 faizə qədər arta bilər. Bəs bu, kiminsə diqqətindən qaçacaqmı?
Artan güc tələbi fonunda energetika şirkətləri də yeni qaydalar tətbiq edir - turbinlər və infrastruktur üçün ilkin ödənişlər tələb olunur. Nəticədə risk birbaşa məlumat mərkəzi inkişaf etdiricilərinin üzərinə düşür.
Ramirez qeyd edib ki, texnologiya nəhəngləri artıq alternativ çıxışlar axtarır: nüvə və bərpa olunan enerji mənbələri, eləcə də «behind-the-meter» kimi yeni həllər üzərində düşünürlər. Bu baxımdan, Meta-nın Luizianada tikdirdiyi milyard dollarlıq mərkəz tendensiyanın bariz nümunəsidir.
Bir sözlə, süni zəka dalğasının dayanıqlı gələcəyi indi enerji strategiyasından asılıdır. İndi əsas sual budur: növbəti innovasiyanı kimin enerjisi gücləndirəcək?
Bu xəbəri necə dəyərləndirirsiniz?
