Satoşi Nakamoto kimdir? 125 milyard dollarlıq Bitcoin mübahisəsi
Kriptodünyada Satoşi Nakamoto yenidən gündəmdədir. 125 milyard dollarlıq BTC ehtiyatı və Ripple-dən ayrılan Şvartz barədə fərziyyələr artır.
Satoşi Nakamoto kimdir? 125 milyard dollarlıq Bitcoin ehtiyatı mübahisə yaradır
«u.today» xəbər verir ki, son 24 saatda kriptovalyuta dünyasında köhnə, amma daim maraqlı bir mövzu yenidən gündəmə gəlib – Bitcoin-in sirli yaradıcısı Satoşi Nakamoto. Ripple ətrafında baş verən hadisələr fonunda onun kimliyi və 125 milyard dollarlıq BTC ehtiyatı barədə müzakirələr alovlanıb.
Kriptojurnalist Eleanor Terrett «X»də (Twitter) paylaşaraq bildirib ki, Bitcoin-in müəmmalı banisi haqqında yeni sənədli filmin müəllifləri ilə keçiriləcək paneli o idarə edəcək. Terrett qeyd edib ki, bu mövzuda bir neçə film çəkilsə də, heç biri Satoşi-nin sirlərini açmağı bacarmayıb. Bəzi izləyicilər isə düşünür ki, Satoşi-nin anonim qalması elə daha doğrudur.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Paylaşım kriptoicmanın, xüsusilə də XRP tərəfdarlarının diqqətini çəkib. Bir çoxları Ripple-ın texnoloji direktoru Devid Şvartz-ın (David Schwartz) Satoşi ola biləcəyi fikrini yenidən gündəmə gətirib. Hətta bir istifadəçi zarafatla “Bəlkə elə Şvartzın özündən soruşaq?” yazıb, Şvartz isə qısa cavab verib: “Bunu mən də bilmirəm”.
Arkham platformasının məlumatına görə, Satoşi-nin cüzdanlarında təxminən 1 milyon 96 min BTC var. Hazırkı 114 534 dollarlıq qiymətlə bu, 125 milyard dollardan çox edir. Bu fakt və Şvartzın yaxınlarda Ripple-dəki CTO vəzifəsindən ayrılması barədə xəbərlər bu fərziyyələri daha da gücləndirib.
Şvartz “X”də paylaşaraq bildirib ki, CTO postunu tərk edib şirkətin Direktorlar Şurasına qoşulacaq. O, Bitcoin-in başlanğıc illərini yaxından izlədiyi üçün qürur duyduğunu qeyd edib. Bu açıqlama, təbii ki, Satoşi mövzusunu yenidən gündəmə gətirib.
Onun istefasından sonra XRP Ledger-in bazar meydançası First Ledger zarafatla yazıb: “Təsəvvür edin, Satoşi-nin cüzdanı oyanır.”
Devid Şvartz əvvəllər də dəfələrlə bu iddiaların hədəfi olub, amma hər dəfə onları təkzib edib. Görünür, Bitcoin-in tarixindəki gizli fiqur hələ çox sual doğuracaq.
Bu xəbəri necə dəyərləndirirsiniz?
