Samsung Galaxy S26 dizayn və batareya planlarını dəyişdi - qiymət sabit qalır
Samsung Galaxy S26-ya planlaşdırılan incə dizayn və böyük batareya son anda dəyişdirilib. Şirkət qiyməti iPhone 17 ilə eyni saxlamaq istəyir.
Samsung Galaxy S26 dizayn və batareya planlarını son anda dəyişdi
«Sammyfans» yazır ki, Samsung Galaxy S26 üçün nəzərdə tutulan incə gövdə və iri batareya planlarını son mərhələdə yenidən dəyərləndirib. Şirkətin məqsədi sadədir - qiyməti iPhone 17 xətti ilə eyni səviyyədə saxlamaq.
Məlumata görə, Samsung əvvəlcə 6.9 mm qalınlıq və 4900 mAh batareyadan ibarət cəsarətli bir dizayn planlaşdırırdı. Belə bir kombinasiyanın qiyməti artıracağı aydın idi. Bir sözlə, şirkət həm incəliyi, həm də gücü bir araya gətirmək istəyirdi.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Lakin planlar dəyişdi: batareyanın həcmi 4300 mAh səviyyəsinə endirilib. Bu yenə də S25-lə müqayisədə 300 mAh artım deməkdir. Qalınlıq isə görünür ki, əvvəlki kimi 7.2 mm olacaq. Son günlər dolaşan 6.9 mm iddiaları, görünür, öz təsdiqini tapmayacaq.
Anonim qalmaq istəyən Samsung rəsmisi bu dəyişikliklərin dizayn prosesi demək olar ki, tamamlanmışkən edildiyini bildirib. Onun sözlərinə görə, belə kəskin dönüşlər şirkətdə nadir hallarda baş verir.
Hesabatda qeyd olunur ki, Samsung MX bölməsi S26 ailəsi üçün strategiyasını formalaşdırıb: baza modeldə qiymət rəqabəti, Plus versiyada balans, Ultra-da isə premium imkanlar önə çıxacaq.
ABŞ bazarında Galaxy S26-nın yenə 799 dollardan satışa çıxması gözlənilir. Samsung üçün qiyməti Apple ilə eyni saxlamaq, hətta bəzən bir qədər ucuz olmaq mühüm amildir. Xatırladaq ki, Ultra versiyası artıq iPhone Pro Max-dan 100 dollar bahadır.
Galaxy S26 Pro ilə bağlı sızmalar da olmuşdu, lakin bu model Edge versiyasının ləğvindən sonra yenidən S26 adlandırılıb. Maraqlıdır ki, 4900 mAh batareya sənaye sertifikatlarında görünməyib. Əslində bu sual hələ açıq qalır.
Bu xəbəri necə dəyərləndirirsiniz?
