“Ripple” CEO-su Senatda qalibiyyətini elan etdi - “Biz udduq!”
“Ripple” rəhbəri Brad Qarlinhaus (Brad Garlinghouse) ABŞ Senatında çıxış edərək XRP məhkəmə qalibiyyətindən və kriptoregulyasiya ehtiyacından danışıb.
“Ripple” rəhbəri ABŞ Senatında çıxış etdi - “XRP qalib gəldi!”
“Ripple” şirkətinin baş direktoru Brad Qarlinhaus (Brad Garlinghouse) ABŞ Senatında keçirilən dinləmədə kriptovalyuta sektorundakı qeyri-müəyyən qanunvericiliyə toxunub. O bildirib ki, “Ripple” dörd illik hüquqi mübarizədən sonra ABŞ Qiymətli Kağızlar Komissiyasına (SEC) qarşı qalib gəlib.
Qarlinhaus çıxışında “Ripple”ın blockchain texnologiyası və XRP tokenindən istifadə edərək beynəlxalq pul köçürmələrini sürətli və ucuz etdiyini izah edib. O qeyd edib ki, şirkət dünya üzrə 15 ofisdə 900-dən çox əməkdaşı ilə fəaliyyət göstərir və tənzimləyici orqanlarla sıx əməkdaşlıq aparır.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
O həmçinin bildirib ki, ABŞ-da kripto sahəsində aydın qaydaların olmaması bir çox texnologiya şirkətini ölkədən kənara çıxmağa vadar edib. Bu, təkcə şirkətlərə deyil, həm də iş yerlərinə və vergi gəlirlərinə ziyan vurur.
“Xüsusilə son on ildə ABŞ-da kripto ilə bağlı hüquqi qeyri-müəyyənlik inkişafın qarşısını alıb. Biz gördük ki, qeyri-aydın qaydalar necə alətə çevrilə bilər”, - deyə o bildirib.
Qarlinhaus qeyd edib ki, məhkəmə XRP-nin özü-özlüyündə qiymətli kağız olmadığını təsdiqləyib. Bu qələbə təkcə “Ripple” üçün deyil, həm də bazardakı digər iştirakçılar üçün nümunə yaradıb.
Senat dinləməsindən sonra sosial şəbəkədə paylaşım edən Qarlinhaus, Bankçılıq Komitəsinə təşəkkür edərək, senatorların kriptonun qalıcı olduğuna razı olduqlarını vurğulayıb.
Onun sözlərinə görə, bu kiçik addım olsa da, ABŞ-ın hələ də ağıllı və ədalətli qanunlarla kriptodünyaya liderlik edə biləcəyinə ümid verir.
Qarlinhausun çıxışı kriptosektorda tənzimləmə üçün konkret addımlar atılması yönündə təzyiqləri artırmağa xidmət edir və “Ripple”ın hüquqi qələbəsi bu istiqamətdə dönüş nöqtəsi hesab olunur.
Bu xəbəri necə dəyərləndirirsiniz?
