Peter Thiel-in «Plasma» layihəsi kriptobazarın gündəminə çıxdı

Peter Thiel dəstəklədiyi «Plasma» (XPL) Binance və OKX-də siyahıya salındı

«crypto.news» məlumatına görə, məşhur investor Peter Thiel-in dəstəklədiyi «Plasma» (XPL) bu gün dünyanın ən böyük kriptobirjaları olan Binance və OKX-də listinqə daxil edilib. Bundan əlavə, token həmçinin Bybit, Bitget və Gate platformalarında da istifadəyə açılıb.

Layihənin icma üzvlərinə təxminən 175 milyon XPL airdrop formasında bölüşdürülüb. «Binance» bildirib ki, token əvvəlcə sentyabrın 25-də Alpha versiyada «Spotlight» bölməsində təqdim edilib, daha sonra əsas platformada tam siyahıya salınıb. Bu addım həm TGE mərhələsi, həm də mainnet beta launch ilə üst-üstə düşüb.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Tokenomika maraq doğurur: ilkin təklif 10 milyard XPL olub, lakin listinq zamanı yalnız 1,8 milyard dövriyyədə idi ki, bu da ümumilikdə 18 faiz təşkil edir. Maksimum təklif məhdudlaşdırılmayıb, inflyasiya göstəricisi isə 5 faizdən başlayıb və mərhələli şəkildə 3 faizə endiriləcək.

«Binance» əlavə təşviqat mexanizmləri də təqdim edib. Belə ki, istifadəçilərə 75 milyon XPL «HODLer Airdrops» çərçivəsində paylanacaq, həmçinin «Binance Earn» üzərindən Plasma USDT Locked Product yatırımları üçün əlavə 100 milyon XPL mükafat veriləcək.

Token bölgüsündə 1 milyard açıq satışa yönəldilib, 40 faiz ekosistem inkişafına ayrılıb, digər hissə isə komanda, investorlar və strateji tərəfdaşlıqlar arasında paylanıb.

2024-cü ildə yaradılan layihə sabitkoin əməliyyatlarını sadə, sürətli və komissiyasız etmək məqsədi daşıyır. Layer-1 blokçeyn bazasında qurulan «Plasma», USDT ödənişlərini asanlaşdıraraq DeFi infrastrukturunun genişlənməsinə töhfə verməyi hədəfləyir.

«Plasma» həm Bitcoin təhlükəsizlik modelinə, həm də EVM uyğunluğuna əsaslanır. Hazırda «Plasma One» adlı neobank və super-app vasitəsilə sabitkoin ödənişləri və gündəlik maliyyə xidmətləri təqdim olunur.

Layihəyə dəstək verənlər arasında Peter Thiel, Tether CEO-su Paolo Ardoino, kripto investorları Cobie və Zaheer Ebtikar, həmçinin «Founders Fund», «Framework Ventures», «Bitfinex», «Laser Digital» və «Bybit» kimi təşkilatlar yer alır.

Növbəti böyük hədəf isə qlobal ödəniş sistemi yaratmaq və DeFi infrastrukturunu tamamlamaqdır. «Plasma One» sıfır komissiyalı USDT köçürmələrini uzunmüddətli məqsədin əsası kimi dəyərləndirir. Əsas sual budur: bu layihə həqiqətən də sabitkoinlərin böyük ekosisteminə çevrilə biləcəkmi? Zaman göstərəcək.