OpenAI gəlirinin üç qatını itirir – süni zəka nəhəngi böhran astanasında

OpenAI-nin trilyon dollarlıq planı: hər dollara görə üç dollar zərər

«Android Headlines» yazır ki, OpenAI maliyyə cəhətdən təhlükəli bir mərhələyə qədəm qoyub – şirkət qazandığı hər 1 dollara qarşı 3 dollar itirir. Buna baxmayaraq, şirkət süni zəka infrastrukturu üçün 1 trilyon dollarlıq riskli layihəyə başlayıb.

2025-in ilk yarısında OpenAI-nin gəliri 4,3 milyard dollar olub, lakin xalis itki 13,5 milyard dollara çatıb. Bu, illik təxminən 27 milyard dollarlıq zərər deməkdir. Yəni şirkət böyüdükcə çuxur da dərinləşir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

CEO Sam Altmanın rəhbərliyində OpenAI nəhəng texnoloji tərəfdaşlarla – TSMC, Samsung və Intel-lə müqavilələr bağlayaraq süni zəka hesablama mərkəzlərinə inanılmaz vəsait ayırır. Lakin ekspertlər xəbərdarlıq edirlər: bu dərəcədə xərcləmə «pul qara dəliyi» təsiri yaradır.

Analitik Uil Lokett bildirir ki, belə bir model nə texniki, nə də maliyyə baxımından dayanıqlı deyil. Şirkətin öz tədqiqatçıları da təsdiqləyiblər ki, süni zəka modellərindəki «halüsinasiyalar» problemini miqyası böyütməklə aradan qaldırmaq mümkün deyil.

Rəqəmlər daha da vahiməlidir: 2029-cu il üçün planlaşdırılan gəlir 125 milyard dollar olsa da, əməliyyat xərcləri 650 milyard dolları keçəcək. Yəni zərər yarım trilyon dollara çata bilər. Bəs bu halda hansı mənfəətdən danışmaq olar?

Maraqlıdır ki, araşdırmalara görə, süni zəka layihələrinin 95 faizi bizneslər üçün heç bir real gəlir gətirmir. Bəzi şirkətlər isə ChatGPT kimi alətlərdən istifadə etdikdə məhsuldarlığın əksinə azaldığını bildiriblər.

Tənqidçilər hesab edirlər ki, vəziyyətin səbəbi sistemin özündədir – rəhbər heyət gəlirliliyədən çox qiymətləndirmə göstəricilərini artırmağa çalışır. Altmanın 7 faizlik payı ona 10 milyard dollarlıq gəlir gətirə bilər, bu isə riski daha da artırır.

Bir sözlə, OpenAI-nin strategiyası həm texnoloji, həm maliyyə, həm də reputasiya baxımından çox təhlükəlidir. Əgər bu «süni zəka köpüyü» partlasa, təkcə bir şirkət deyil, bütün sektor sarsılacaq.