NVIDIA rəhbəri Jensen Huang «Cursor» süni zəka kodlaşdırmasına dəstək verdi
Jensen Huang «Cursor»u sevimli süni zəka xidməti adlandırdı və bildirdi: NVIDIA mühəndislərinin 100%-i artıq AI ilə kod yazır.
Jensen Huang: «NVIDIA mühəndislərinin 100%-i artıq süni zəka ilə kod yazır»
«TechStartups»-ın məlumatına görə, NVIDIA rəhbəri Jensen Huang «Cursor» süni zəka platformasına açıq dəstək göstərib. Huand bildirib ki, “artıq mühəndislərimizin 100 faizi süni zəka ilə kod yazır”.
8 oktyabrda CNBC-yə müsahibəsində Huang tərəddüd etmədən «Cursor»-u özünün ən sevdiyi korporativ süni zəka xidməti adlandırıb. Onun sözlərinə görə, bu yanaşma şirkətin istehsal gücünü və səmərəliliyini xeyli artırıb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
NVIDIA kimi texnoloji nəhəng üçün bu, sadəcə tərif deyil, strateji siqnaldır. GPU proqram təminatından süni zəka platformalarına qədər bütün proseslərin mərkəzində həmin mühəndislər dayanır. İndi isə onlar kodlaşdırmanı süni zəka ilə həyata keçirirlər ki, bu da proqram inkişafında dönüş nöqtəsi sayılır.
«Cursor» gənc MIT məzunları tərəfindən yaradılan «Anysphere» startapının məhsuludur. 2022-ci ildə qurulan şirkət süni zəkanın kodlaşdırma prosesinin yaradıcı hissəsinə çevrilməsini məqsəd qoymuşdu və qısa müddətdə uğur qazanıb.
Hazırda «Cursor» Shopify, OpenAI və Instacart kimi şirkətlərin mühəndisləri tərəfindən geniş istifadə olunur. Platformanın əsas üstünlüyü kod bazasını dərindən anlamaq, bölmələri ağıllı şəkildə təkmilləşdirmək və real vaxtda səhvləri düzəltmək qabiliyyətidir. İstifadəçi tapşırığı təbii dildə yazır, alət isə onu işlək koda çevirir.
Bu uğur investorların da diqqətini çəkib. «Anysphere» 10 milyard dollarlıq dəyərləndirmə ilə yeni investisiya raunduna hazırlaşır. İlk investisiya mərhələsində OpenAI Startup Fund 8 milyon dollar, sonrakı mərhələlərdə isə Andreessen Horowitz, Thrive Capital və a16z şirkətləri ümumilikdə yüz milyonlarla dollar yatırmışdılar.
Hazırda «Cursor»un illik təkrarlanan gəliri 100 milyon dolları keçib. GAIA sınaqlarında da o, bir çox rəqiblərini qabaqlayıb.
Huang-ın fikrincə, süni zəka ilə kodlaşdırma artıq təcrübə deyil, «NVIDIA» kimi şirkətlərdə gündəlik iş standartına çevrilib. Sual indi belə səslənir: «Şirkətlər süni zəkadan istifadə edəcəklərmi?» yox, «bu yarışda kim lider olacaq?». Hazırda «Cursor» NVIDIA-nın açıq dəstəyi ilə ən güclü mövqedədir.
Bu xəbəri necə dəyərləndirirsiniz?
