Nio Onvo L60 Black Knight Çində satışa çıxdı - qiymət 21 900 dollar
Nio Çində «Onvo L60 Black Knight» xüsusi buraxılışını satışa çıxardı. Tamamilə qara dizaynlı elektrik krossoveri cəmi 666 ədəd istehsal olunacaq.
Nio Çində «Onvo L60 Black Knight» buraxılışına start verdi - cəmi 666 ədəd
«CarNewsChina» yazır ki, Nio «Onvo L60 Black Knight» adlı məhdud saylı xüsusi buraxılışın çatdırılmasına Çində başlayıb. Elektrik krossoverinin BaaS planı ilə qiyməti 154 900 yuan, yəni təxminən 21 900 dollardır.
Bu model 2024-cü ilin sentyabrında Tesla Model Y-yə rəqib kimi təqdim olunan Onvo L60-un qara rəngə bürünmüş versiyasıdır. L60 ümumilikdə 2024-2025 dönəmində 68 707 ədəd satılsa da, satışlar gözlənilən tempi verməmişdi. Elə buna görə də Nio dekabrın 5-də diqqət çəkən «Black Knight» buraxılışını istifadəyə verdi. Bir sözlə, şirkət modeli yenidən gündəmə gətirmək istəyir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Black Knight buraxılışı standart şəkildə FinDreams istehsalı olan 60.6 kVt-saat LFP batareyası ilə gəlir. Arxa oxdakı 240 kVt güclü mühərrik avtomobili 0-dan 100 km/saata 4.6 saniyəyə qaldırır. CLTC göstəricilərinə görə tam dolu batareya ilə 530 km məsafə qət edir. 900V sistem sayəsində 10-80 faiz dolum cəmi 25 dəqiqə çəkir və, əlbəttə, digər Nio modellərində olduğu kimi batareya dəyişimi 3 dəqiqəyə başa gəlir.
Ölçülər də dəyişməz qalıb: uzunluq 4 828 mm, en 1 930 mm, hündürlük 1 616 mm. Əsas fərqlər qara eksteryer, 20 düymlük disklər və qara emblemlərdir. Salon tamamilə qara rəngdə hazırlanıb, portağal tikişlər və təhlükəsizlik kəmərləri isə salona bir az dinamiklik qatır. Arxa oturacaqda qatlanan masa da mövcuddur.
Modelin qiyməti batareya ilə 211 900 yuan (təxminən 29 965 dollar) təşkil edir və bu, baza L60-dan 5 000 yuan baha deməkdir. BaaS planlı versiya isə 154 900 yandan başlayır. Ümumi istehsal sayı cəmi 666 ədəd olacaq.
Nio bundan əvvəl eyni konseptlə Onvo L90 Black Knight buraxılışını da təqdim etmişdi. Həmin modelin 999 ədəd istehsalı planlaşdırılıb. Batareyalı versiya 306 800 yuan, BaaS planı ilə isə 220 800 yuandır.
Bu xəbəri necə dəyərləndirirsiniz?
