Nepalda siyasi gərginlik turizmi çökdürdü – 30% azalma
Nepalda siyasi etirazlar turizmə ağır zərbə vurub. Everest yürüşləri təxirə salınıb, turist sayı 30% azalıb. Otel və bizneslər ziyan çəkir.
Nepalda siyasi etirazlar turizmi çökdürdü – Everest yürüşləri ləğv olunur
«Travelandtourworld» məlumatına görə, son günlər Katmanduda baş qaldıran siyasi etirazlar ölkənin əsas gəlir mənbələrindən biri olan turizm sektorunu çökdürüb. Ən çox zərbə ilin yüksək mövsümündə gələn səyahətçilərin sayına dəyib – statistikaya əsasən turistlərin axını ötən illə müqayisədə 30% azalıb.
Bir vaxtlar canlı həyatla dolu Thamel məhəlləsi indi səssiz qalıb. Restoranlar, dükanlar və yürüş şirkətləri boş sifarişlərlə üzləşib. Davam edən zorakılıq Everest və Annapurna yürüşlərinə də ciddi təsir edib – minlərlə turist planlarını təxirə salıb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Etirazların əsas səbəbi korrupsiya ilə bağlı narazılıqdı. Gərginlik fonunda keçmiş baş nazir K.P. Şarma Oli istefa verib. Hadisələrdə 72 nəfər həlak olub, minlərlə insan yaralanıb. Yanmış dövlət binaları və dağıdılmış otellərdən yayılan görüntülər isə ölkəyə səfər etmək istəyənlərin qərarına birbaşa təsir edib.
Bir sıra dövlətlər vətəndaşlarına Nepala səfərlərini təxirə salmağı tövsiyə edib. Hotellərdə rezervasiyalar kütləvi şəkildə ləğv olunub, bir çox bizneslər bir aya nəzərdə tutulan bütün gəlirlərini itirib. Bu isə xırda sahibkarların dolanışığını təhlükə altına salıb.
Hazırda Nepalda olan əcnəbilər özlərini sakit hiss etdiklərini desələr də, mediada yayılan yanğın və toqquşma kadrları başqa mənzərə yaradır. Nəticədə tərəddüd və qorxu turistlərin çoxunu geri çəkib.
Baş nazir Süşila Karki turizmə etimadı qaytarmaq üçün küçələrin təmizlənməsi və təhlükəsizlik tədbirlərini artırmağa çalışır. Nepal Turizm Şurası isə açıq şəkildə bildirir: “Şəffaf məlumat gizlətməkdən daha yaxşıdır”.
Turizm ölkə iqtisadiyyatının təxminən 8%-ni təşkil edir və minlərlə nepalinin gündəlik gəlirinə birbaşa təsir göstərir. İndi isə böhranın fəsadları Nepalin hər guşəsində hiss olunur.
Rəsmilər ümid edirlər ki, sabitlik bərpa olunduqca və 2026-cı il seçkiləri yaxınlaşdıqca Nepal yenidən turistlərin diqqətini çəkəcək. Çünki dünyanın ən hündür zirvəsi – Everest burada yerləşir və bu fakt dəyişməzdir.
Qalır əsas sual: Nepal nə vaxt və necə öz turizm gücünə qayıdacaq?
Bu xəbəri necə dəyərləndirirsiniz?
