NASA Marsda mikrobların izi ola biləcək minerallar aşkar etdi

NASA Marsda mikrobların izi ola biləcək minerallar aşkar etdi

«notebookcheck» xəbər verir ki, NASA-nın Perseverance rover-i Marsda həyat izlərinin olub-olmadığını araşdırmaq üçün yeni kəşflərə imza atıb. Ən vacib sual – «Biz kainatda təkikmi?» – bu dəfə daha real cavaba yaxınlaşır.

2024-cü ilin iyulunda rover Jezero kraterində yerləşən qədim Neretva Vallis çay vadisinin yaxınlığındakı Bright Angel formasiya qayalıqlarından nümunələr topladı. Əldə olunan qayadan “Sapphire Canyon”, üzərində aparılan xüsusi öyrənmədən isə “Cheyava Falls” adlandırıldı.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Məhz Cheyava Falls üzərində alimlər maraqlı “leopard ləkələrini” aşkar etdilər. Bu izlərin içində vivianit və greigit kimi nadir minerallar tapıldı. Bu maddələr Yer üzündə bəzən mikrobların fəaliyyəti nəticəsində əmələ gəlir.

Toplanan Bright Angel nümunələrinin üzvi karbon, kükürd, oksidləşmiş dəmir və fosforla zəngin olduğu bildirilib. Alimlər qeyd edirlər ki, həmin komponentlər mikroblar üçün enerji mənbəyi ola bilər. Bu səbəbdən, izlərin mikrobioloji mənşəli olma ehtimalı daha güclüdür.

Qazıntılarda müşahidə edilən gil və lil qatları da diqqəti cəlb edib. Yer üzündə bu tip qatlarda mikrobların izləri yaxşı qorunur. Əgər izlər abiotik mənşəli olsaydı, yüksək temperatur və turşu mühitinin sübutları görünməliydi. Lakin Bright Angel süxurlarında belə bir dəlil aşkarlanmayıb.

Nəticələr hələ yekun deyil, lakin bu kəşf Marsda həyatın izlərinə doğru atılmış önəmli bir addım hesab olunur. Elm dünyasının yüzillik sualı isə hələ də cavabını gözləyir: bu dəfə doğrudanmı həyat izlərinə toxunduq?