Metaplanet səhmləri 54% ucuzlaşdı – səbəb maliyyə böhranı
Metaplanet-in maliyyələşmə böhranı şirkətin səhmlərinin 54% düşməsinə səbəb oldu. İmtiyazlı səhm buraxılışı isə mümkün çıxış yolu kimi müzakirə olunur.
Metaplanet-in Bitcoin strategiyası böhranla üzləşdi – səhmlərdə 54% düşüş
«Cointelegraph» məlumatına görə, Metaplanet-in Bitcoin strategiyası maliyyələşmə böhranı ilə qarşılaşıb. Nəticədə şirkətin Tokio birjasında listinq olunan səhmləri iyunun ortalarından bu yana 54% dəyər itirib.
Bu geriləmə şirkətin əsas maliyyələşmə modeli olan "flywheel"-in zəifləməsinə gətirib çıxarıb və yeni alternativ mənbələrin axtarışını aktuallaşdırıb. Əks maraqlı məqam isə odur ki, həmin dövrdə Bitcoin təxminən 2% artıb, amma Metaplanet səhmləri əks istiqamətdə çöküb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Nəticədə şirkətin MS orderləri işləməz vəziyyətdə qalıb, çünki onlar yalnız səhmlərin bahalaşması zamanı gəlir gətirirdi. Bu səbəbdən Evo Fund üçün alətlər cazibəsini itirib, likvidlik sıxışıb və Bitcoin toplama prosesi də zəifləyib.
Şirkətə keçmiş Goldman Sachs treyderi Saymon Geroviç rəhbərlik edir. Hazırda balansda 18 991 BTC var və bu, Metaplaneti dünyada yeddinci ən böyük ictimai Bitcoin sahibi edir. Şirkət planlarına görə 2026-cı ilədək 100 000, 2027-ci ildə isə 210 000 BTC toplamağı hədəfləyir.
Bunun üçün əlavə vəsait cəlb etmək məqsədilə ötən həftə xarici bazarlarda səhmlərin yerləşdirilməsi yolu ilə 130,3 milyard yen (880 milyon dollar) toplamaq niyyətlərini açıqlayıblar. Həmçinin 1 sentyabrda keçirilən səhmdarlar iclasında imtiyazlı səhm buraxılışı da müzakirə olundu və bununla 555 milyard yen (3,7 milyard dollar) cəlb etmək mümkündür.
Geroviç Bloomberg-ə açıqlamasında imtiyazlı səhmləri "müdafiə mexanizmi" adlandıraraq qeyd edib ki, bu addım kapital cəlbinə imkan verəcək, amma adi səhmdarların payının sulandırılması riskini minimuma endirəcək. Yeni səhmlər 6%-dək dividend vəd edə bilər.
Lakin analitiklər hələ də ehtiyatlıdır. Natixis-dən Erik Benua hesab edir ki, əsas amil «Bitcoin premiumu» olacaq – yəni Metaplanet-in kapitalizasiyası ilə balansdakı BTC dəyəri arasındakı fərq. Bu göstərici iyunda 8 dəfə idisə, indi sadəcə 2 dəfə qalıb ki, bu da sulandırılma riskini artırır.
Metaplanet 3–30 sentyabr tarixlərində Evo-nun orderlərinin icrasını dondurub və bununla da imtiyazlı səhm buraxılışına yol açılıb. Amma sual qalır: bu mexanizm şirkətin maliyyələşməsini sabitləşdirə biləcəkmi? Cavab isə hələ də qeyri-müəyyəndir.
Bununla belə, bir müsbət xəbər də var: Metaplanet FTSE Russell-in 2025-ci il icmalında kiçik kapitalizasiyadan orta kapitalizasiya kateqoriyasına yüksəlib və FTSE Japan İndeksinə daxil edilib. Bu isə ikinci rübdə qeydə alınan güclü maliyyə nəticələri ilə bağlıdır.
Bu xəbəri necə dəyərləndirirsiniz?
