Meta ABŞ-da yeni «Meta Lab» mağazaları ilə satışını genişləndirir

Meta Milad alış-veriş mövsümündə yeni «Meta Lab» mağazaları açır

«socialmediatoday» xəbər verir ki, Meta Milad öncəsi alış-veriş mövsümünə hazırlaşaraq ABŞ-da yeni «Meta Lab» pərakəndə məkanlarını istifadəyə verəcək. Bu mağazaların məqsədi süni zəka ilə təchiz olunmuş eynäklərin satışını artırmaq və gələcək texnologiyaları nümayiş etdirməkdir.

İlk «Meta Lab» ötən il Los-Ancelesdə açılmışdı və hazırda fəaliyyətini davam etdirir. İndi isə Kaliforniyada daha bir məkan, eləcə də Nyu-York və Las-Veqasda yeni mağazalar açılacaq.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Şirkət bildirir ki, bu laboratoriyalar yalnız satış məntəqəsi deyil, həm də gələcək texnologiyaların vitrini rolunu oynayır. Burada geyilə bilən cihazların təqdimatı keçirilir və istifadəçilərlə birlikdə yeni yanaşmalar sınaqdan keçirilir.

Bu il vitrinlərdə məhsul çeşidi artıb. Meta, Ray-Ban və Oakley ilə tərəfdaşlıqda hazırlanmış yeni süni zəka eynəklərini, xüsusilə də «Display» modellərini və onlara uyğun «Neural Band» bilək kontrollerini təqdim edir.

Şirkətin məlumatına görə, «Display» eynəklərinin canlı təqdimatı böyük maraqla qarşılanıb və hətta bir çox şəhərdə oktyabr ayının ortalarınadək bütün yerlər dolub. Gələcək mərhələdə Los-Anceles və Barlinqeymdə sınaq bronları açılıb, daha sonra Nyu-York və Las-Veqasda da təqdim ediləcək.

Yeni məkanlarda müştərilər fərdiləşdirilmiş xidmətlərdən yararlana, məhdud sayda modelləri əldə edə biləcəklər. Paralel olaraq, istifadəçilərə VR cihazları və metaversiya təcrübələri də təqdim ediləcək.

Açılış tarixləri belədir: 16 oktyabrda Las-Veqas («Wynn Las Vegas»), 24 oktyabrda Los-Anceles (Melrose Avenue) və 3 noyabrda Nyu-York (5th Avenue). Barlinqeymdəki mövcud mağaza isə fəaliyyətini davam etdirir.

Meta gələcəkdə daha kiçik ölçülü, oxşar konsepsiyalı mikro-mağazalar açmağı da planlaşdırır. Beləliklə, «Meta Lab» texnologiya həvəskarlarına cihazları sınaqdan keçirmək və gələcəyin innovasiyalarını görmək şansı verir.