Layer-3 blokçeyn şəbəkələri: Web3 üçün yeni mərhələ
Layer-3 şəbəkələri Web3-də idarəçilik, əlaqəlilik və təhlükəsizlik problemlərini həll etməyi hədəfləyir. Orbs isə bu transformasiyanın önündədir.
Layer-3 blokçeyn şəbəkələri: Web3 üçün yeni mərhələ və Orbs-un rolu
«Coinpedia» yazır ki, blokçeyn artıq maliyyə dünyasının əsas dayaqlarından biridir və Web3 adlanan mərkəzləşdirilməmiş internetin təməlini təşkil edir. Buna baxmayaraq, miqyas, sürət və idarəçilik problemləri hələ də həllini tapmayıb.
Bitcoin istifadəyə verildiyində məhdud miqyas problemi ortaya çıxdı. Ethereum ağıllı müqavilələri tanıdanda isə əməliyyatlar daha yavaş və bahalı oldu. Bunun ardınca Arbitrum, zkSync və Cosmos kimi Layer-2 həlləri yarandı. Onlar əməliyyatları əsas şəbəkədən kənarda emal edərək həm sürəti artırır, həm də xərci azaldır.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Arbitrum “optimistic rollups” texnologiyası ilə əməliyyatları birləşdirir, zkSync “zero-knowledge rollups” ilə məxfilik və etibarlılığı gücləndirir. Cosmos isə müxtəlif şəbəkələri əlaqələndirən protokolu ilə seçilir. Lakin nəticədə hər L2 ayrıca ekosistem yaradır və Web3 parçalanır.
Şəbəkələrarası körpülər mürəkkəb və risklidir, DAO-lar isə çox vaxt effektiv nəticə vermir. Bunun həll yolu kimi Layer-3 şəbəkələri nəzərdən keçirilir. Ən diqqətçəkən nümunə Orbs-dur. O, L2-lərin üzərində xidmət qatı kimi işləyərək həm performansı artırır, həm də müxtəlif şəbəkələri birləşdirir.
Orbs istənilən L1 və L2 ilə inteqrasiya edə bilir. Bu, dApp-lərə körpülərə ehtiyac olmadan bir neçə blokçeyndən məlumat alma imkanı verir. Məsələn, Arbitrum-da çalışan tətbiq rahatlıqla Cosmos-dan məlumat istifadə edən xidmətlə birləşə bilir.
İdarəçilik modeli də maraqlıdır: qərarları “Guardians” adlı doğrulayıcılar qəbul edir, token sahibləri səsvermə hüququnu onlara ötürür. Bu, prosesi daha balanslı və ədalətli edir. Orbs həmçinin mübahisələrin həlli üçün neytral mexanizmlər və desentralizasiya olunmuş şəxsiyyət alətləri təqdim edir.
Nəticə olaraq, Layer-3 şəbəkələri Web3-də itkin həlqə rolunu oynaya bilər. Onlar parçalanmış ekosistemi birləşdirərək sürət, koordinasiya və təhlükəsizliyi bir arada təmin edir. Bəs bu dəfə uğur gerçəyə çevriləcəkmi?
Bu xəbəri necə dəyərləndirirsiniz?
