«Lamborghini Lanzador»un gələcəyi sual altındadır – hibrid planı?
«Lamborghini» rəhbərliyi «Lanzador» modelinin gələcəyini yenidən dəyərləndirir — tam elektrik əvəzinə hibrid variant gündəmdədir.
«Lamborghini Lanzador»un gələcəyi sual altındadır – elektrik, yoxsa hibrid?
«Caranddriver» xəbər verir ki, «Lamborghini»-nin ilk elektromobili hələ təqdim olunmamışkən arxa plana keçib. Şirkətin rəhbəri Stefan Vinkelman etiraf edib ki, 2023-cü ildə tam elektrik idman avtomobili kimi tanıdılan «Lanzador»-un taleyi yenidən nəzərdən keçirilir.
Bir vaxtlar markanın yeni dövrünün başlanğıcı sayılan bu model indi fərqli istiqamət ala bilər. Elektrik idman avtomobillərinə tələbatın azalması şirkəti hibrid sistem barədə düşünməyə vadar edib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Vinkelmanın sözlərinə görə, «Lanzador»un gələcəyi barədə qərar yaxın həftələrdə veriləcək: ya əvvəlki kimi tam elektrik qalacaq, ya da plan dəyişib hibrid sistemə keçiləcək. O bildirib ki, bahalı elektrik idman maşınlarına maraq azalıb və alıcılar hələlik BEV-ləri real alternativ kimi görmürlər.
Ferrari-nin «Elettrica» modelini mərhələli şəkildə bazara çıxardığı bir dövrdə «Lamborghini» əks istiqamətdə hərəkət edir. Vinkelman istisna etmir ki, «Lanzador» plug-in hibrid (PHEV) kimi təqdim oluna bilər.
Xatırladaq ki, «Lanzador» 2023-cü ildə markanın ilk elektromobili kimi nümayiş etdirilmiş və satışın onilliyin sonuna planlaşdırıldığı bildirilmişdi. İndi isə bu plan təxirə salına bilər.
Vinkelmanın indiki mövqeyi onun əvvəlki bəyanatları ilə də üst-üstə düşür. O, yaxın gələcəkdə yalnız hibrid Urus modelinin istehsal ediləcəyini, həmçinin 2030-cu ildən sonra «Revuelto» V‑12 mühərrikinin istehsalda qalacağını qeyd edib.
Beləliklə, markanın tanınmış benzin səsi hələlik susmur – «Lamborghini» elektrikləşməyə tələsmir.
Bu xəbəri necə dəyərləndirirsiniz?
