Kaliforniyada Tesla-ya «Autopilot» reklamına görə cəza - 30 günlük dayandırma riski

Hakim: Tesla «Autopilot» və «Full Self-Driving»i aldadıcı reklam edib - Kaliforniyada lisenziya dayandırılması riski

«TechCrunch» yazır ki, inzibati hüquq hakimi Tesla-nın «Autopilot» və «Full Self-Driving» (sürücü yardım proqramı) barədə marketinqinin müştərilərdə sistemlərin imkanları haqqında yanlış təsəvvür yaratdığını bildirib.

Hakim Kaliforniya Nəqliyyat Vasitələri Departamentinin (DMV) Tesla-nın ştatdakı satış və istehsal lisenziyalarının 30 gün müddətinə dayandırılması tələbi ilə razılaşıb. Amma DMV qərarın icrasını təxirə salıb və şirkətə 60 gün vaxt verib.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Qərara əsasən, Tesla ya «Autopilot» adından imtina etməli, ya da avtomobillərə onları həqiqətən avtonom edən proqram təminatı göndərməlidir. Əks halda lisenziyaların dayandırılması gündəmə gələcək. Bəs bu yenilik bizə nə verəcək? Ən azından reklamla real funksiyalar arasındakı xəttin haradan keçdiyini göstərən presedent.

Tesla isə geri çəkilmək niyyətində olmadığını sezdirib. Şirkət X platformasında bildirib: «Kaliforniyada satışlar fasiləsiz davam edəcək». Tesla bunu «müştəri hüquqlarının qorunması» ilə bağlı qərar adlandırıb və iddia edib ki, guya heç bir müştəri problem olduğuna dair müraciət etməyib.

Hakim qərarında vurğulayıb ki, DMV-nin nəqliyyat vasitələrinin reklamını tənzimləmək səlahiyyəti «hər hansı konkret reklamın kimisə aldatdığı və ya zərər verdiyinə dair» sübuta bağlı deyil. Onun sözlərinə görə, qurum «aldadıcı reklamın qarşısını almaq üçün qabaqlayıcı addım» ata bilər.

DMV Tesla-nın qərarı nəzərə almaya biləcəyi ehtimalına rəsmi reaksiya verməyib. Ancaq hakim məhz bu məqamı qeyd edərək bildirib ki, dayandırma təhdidi olmasa, DMV-nin Tesla-nn «Autopilot» adını dəyişəcəyinə və ya ictimaiyyətə təqdimatda yanlış təsvirləri dayandıracağına inanması üçün əsas yoxdur. Bir sözlə, lisenziyanın dayandırılması «məqbul vasitə» sayılır.

Materialda xatırladılır ki, Tesla qismən avtonom sistemlərin marketinqi ilə bağlı oxşar iddialar üzrə Kaliforniya Baş Prokurorluğu, ABŞ Ədliyyə Nazirliyi və Qiymətli Kağızlar və Birja Komissiyası tərəfindən də araşdırmalarla üzləşib. Şirkət həmçinin «Autopilot»la bağlı qəzalar üzrə bir sıra şəxsi mülki iddialarla qarşılaşıb və onların bir qismini artıq həll edib.

DMV-nin işi illərdir ştatın İnzibati Dinləmələr Ofisində baxılan proses kimi davam edirdi. Agentlik Tesla-nın müştərilərə sürücü yardım sistemlərinin yüksək səviyyədə avtonomluq təmin etdiyi təsiri yaratdığını, bunun isə sistemlərə həddindən artıq güvənə səbəb olduğunu iddia edib. Tesla isə marketinqinin «qorunan ifadə» olduğunu deyərək ittihamları rədd edib.

Kaliforniyada satışların, hətta müvəqqəti də olsa, dayandırılması Tesla üçün ciddi təsir yarada bilər: yazıda qeyd olunur ki, bu ştat şirkətin ABŞ-dakı ən böyük bazarıdır. İstehsalın dayandırılması da risk kimi göstərilir - Tesla Texas ştatının Ostin şəhərində iri zavod tikib, amma hələ də Kaliforniyanın Fremont zavoduna arxalanır və burada yüz minlərlə avtomobil, o cümlədən Şimali Amerikaya göndərilən bütün Model 3 sedanları istehsal olunur.

Qərar Tesla-nın Ostində Robotaxi xidmətinin testlərini genişləndirdiyi vaxta təsadüf edir. Həftəsonu şirkət şəhərdəki kiçik parkından təhlükəsizlik nəzarətçilərini çıxarıb. Tesla son altı ayda müştərilərə gəzinti təklif edirdi, lakin nəzarətçi ya sürücü, ya da sərnişin oturacağında otururdu. Baş icraçı direktor Elon Maskın sözlərinə görə, həmin avtomobillərdə müştərilərin maşınlarındakı proqramdan fərqli bir versiya işləyir. Əslində sual hələ açıq qalır: Tesla 60 gün ərzində hansı yolu seçəcək?