JWST erkən kainatda nəhəng spiral qalaktika «Alaknanda»nı aşkar edib
JWST 1,5 milyard il sonra artıq formalaşmış spiral «Alaknanda» qalaktikasını aşkarlayıb. Bu kəşf qalaktikaların yaranması modelini sual altına qoyur.
JWST erkən kainatda tam formalaşmış spiral «Alaknanda» qalaktikasını aşkar edib
«IFLScience» məlumatına görə, astronomlar JWST-nin görüntülərini araşdırarkən kainatın yaranmasından cəmi 1,5 milyard il sonra artıq yaxşı formalaşmış bir spiral qalaktika aşkarlayıblar. Bu, təbii ki, gözlənilməz nəticə idi.
NCRA-TIFR tədqiqatçıları Raşi Ceyn və Yoqeş Vadadekarın müəyyən etdiyi obyektə «Alaknanda» adı verilib. Ad təsadüfi deyil: Hindistanda Qanqa çayının qollarından biri Alaknandadır, digəri isə Mandakinidir. Mandakini isə Hind dilində bizim Süd Yolunu ifadə edir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Erkən qalaktikaların çoxu xaotik olurdu, kiçik, nizamsız «ləkələr» kimi görünürdü. Amma «Alaknanda» iki böyük spiral qolu, dairəvi mərkəzi və təxminən 30 min işıq ili ölçüsü ilə artıq yetkin bir quruluşa bənzəyir. Bəs bu qədər tez necə formalaşa bilərdi? Bu sual hələ açıq qalır.
Tədqiqatın rəhbəri Ceyn bildirib ki, qalaktikanın quruluşu adətən milyard illərlə inkişaf edən sistemlərə xasdır. Onun sözlərinə görə, bu kəşf qaz axını, disk quruluşunun oturuşması və spiral sıxlıq dalğaları kimi proseslərin düşünüldüyündən daha səmərəli işləyə bildiyini göstərir.
Alimlərin hesablamalarına görə, «Alaknanda» təxminən 16 milyard Günəş kütləsinə bərabər ulduzlara malikdir. Qalaktika həm də güclü ulduz əmələgəlmə mərhələsindədir - il ərzində təxminən 63 Günəş kütləsi qədər yeni ulduz yaranır. Bir sözlə, prosesi sürətləndirən nəsə var.
Həmçinin vurğulanır ki, ulduzlarının təxminən yarısı son 200 milyon ildə formalaşıb. Vadadekarın sözləri ilə desək, bu qədər qısa müddətdə on milyardlarla Günəş kütləsi dəyərində maddənin toplanması və spiral diskin yaranması «kainat standartlarına görə inanılmaz dərəcədə sürətlidir».
Tədqiqat «Astronomy & Astrophysics» jurnalında dərc olunub.
Bu xəbəri necə dəyərləndirirsiniz?
