Google Pixel 10 seriyası təqdim edildi: 33 ölkədə sifarişlər başladı

Google «Pixel 10» seriyası rəsmi təqdim edildi – 33 ölkədə ilkin sifarişlər başladı

«androidheadlines» xəbər verir ki, Google özünün yeni «Pixel 10» seriyasını təqdim edib və artıq 33 ölkədə ilkin sifarişlər qəbul olunmağa başlayıb. Siyahıya ilk dəfə Meksika da əlavə olunub. Lakin ən premium model – «Pixel 10 Pro Fold» yalnız 21 ölkədə satışa çıxacaq.

Nyu-Yorkda baş tutan «Made by Google» tədbirində elan edilən seriyaya Pixel 10, Pixel 10 Pro və Pixel 10 Pro XL daxildir. Bu modellərin bütün yaddaş versiyaları 33 ölkədə sifariş üçün mövcuddur. Yeni bazar kimi Meksikanın əlavə olunması diqqət çəkir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

İlkin satış ölkələri siyahısında ABŞ, Böyük Britaniya, Niderland, Danimarka, Estoniya, Finlandiya, Fransa, Almaniya, İtaliya, Yaponiya, Kanada, Avstraliya və çoxlu digər bazarlar yer alır. Ümumilikdə isə 33 ölkədə rəsmi satışlara start verilib.

Hindistanda isə müəyyən məhdudiyyətlər mövcuddur: Pixel 10 və Pixel 10 Pronun 128GB versiyaları, həmçinin Pixel 10 Pro XL-in 1TB modeli satışa çıxarılmayacaq. Digər ölkələrdə isə bütün yaddaş konfiqurasiyaları əlçatan olacaq. Rəng seçimləri və aksesuarların mövcudluğu isə regionlara görə dəyişəcək.

Google alıcılara əlavə üstünlüklər də təqdim edir: Pixel 10 Pro, Pixel 10 Pro XL və Pixel 10 Pro Fold alan müştərilər bir illik pulsuz Google AI Pro abunəliyi əldə edəcəklər. Bu paketə Gemini Pro, NotebookLM, Veo 3 və digər xidmətlər daxil olub.

Qiymət siyasəti də açıqlandı. ABŞ-da Pixel 10 799 dollar, Pixel 10 Pro 999 dollar, Pixel 10 Pro XL isə 1.199 dollara təklif edilir. Pixel 10 Pro Fold isə yalnız 21 ölkədə satışa çıxacaq və ABŞ-da 1.799 dollardan, Böyük Britaniyada 1.749 funtdan, Kanadada isə 2.399 Kanada dollarından başlanır.

Beləliklə, Google-un yeni seriyası həm geniş seçim, həm də qiymət aralığı ilə bazara güclü giriş etdi. Amma diqqət bu sual üzərində qalır: ən çox maraq «Pro Fold»-a olacaq, yoxsa istifadəçilər daha klassik Pro və Pro XL-ı seçəcəklər?