“Gemini”də şəkil redaktəsi və çoxlu fayl yükləmə imkanı istifadəyə verildi

“Gemini” indi şəkilləri redaktə edə bilir – Google-dan süni zəka ilə yaradıcı addım

“TechRadar”-a istinadən “Mediahub.az” xəbər verir ki, “Google”un “Gemini” süni zəka platforması indi birbaşa şəkil redaktəsi funksiyası təqdim edir və istifadəçilərə eyni anda 10 fayl yükləməyə imkan verir.

İndi “Gemini” ilə sadəcə yazmaq kifayətdir: fonu dəyiş, ləkəni sil, itə şapka qoy – və süni zəka sizin üçün şəkli düzəldəcək. Daha da irəli gedərək, bir neçə redaktəni üst-üstə tətbiq etmək mümkündür və əvvəlki dəyişikliklər silinmir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Platforma arxa planda fərqli süni zəka alətlərini birləşdirir ki, nəticədə şəkillər “vizual monstr”a çevrilməsin. İşıq, bucaq və tekstura real görünsün deyə sistem avtomatik uyğunlaşdırma aparır.

Bu yenilik müəllimlərdən tutmuş memarlara qədər bir çox peşə sahibinə faydalı ola bilər. Məsələn, dərhal illüstrasiyalı materiallar hazırlamaq və ya layihə üzərində görüş zamanı dəyişiklikləri vizuallaşdırmaq mümkündür.

Bəs təhlükəsizlik? Google bildirir ki, bütün AI-redaktə edilmiş şəkillərə həm görünən, həm də yalnız proqramla aşkar edilə bilən “SynthID” nişanı vurulur. Bundan əlavə, etik cəhətdən şübhəli sorğular insan nəzarəti ilə bloklanır.

“Gemini” artıq təkcə cavab verən süni zəka deyil, həm də sizinlə birgə yaradan tərəfdaşdır. Ad gününə təbrik kartı düzəltmək və tort bişirmək üçün hələ tezdir, amma itin başına şapka qoymaq artıq mümkündür!