Game Pass-ı silkələyən uğur: Clair Obscur 2025-in ən böyük üçüncü tərəf buraxılışı!
Microsoft təsdiqlədi ki, Clair Obscur: Expedition 33 Xbox Game Pass-da 2025-ci ilin ən böyük üçüncü tərəf debütünə çevrilib.
Clair Obscur: Expedition 33 Xbox Game Pass-da 2025-ci ilin ən böyük üçüncü tərəf debütünə çevrildi
«Windowscentral» yazır ki, Microsoft artıq rəsmən təsdiqləyib: Clair Obscur: Expedition 33 Xbox Game Pass-da 2025-ci ilin ən iri üçüncü tərəf debütü olub. Bu, xidmətin oyun buraxılışları üçün əsas ünvanlardan birinə çevrildiyini bir daha göstərir.
Şirkət bildirib ki, rekord oyun Game Pass-da ilk 30 gündə onu oynayan unikal istifadəçi sayına əsaslanır. Bir sözlə, oyun startdan etibarən marağı özünə çəkə bilib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Sandfall Interactive-in debüt rol oyunu bu il artıq ikinci böyük uğurunu yaşayırdı. 20 noyabr 2025-də keçirilən Golden Joystick Awards-da Clair Obscur: Expedition 33 yeddi mükafat qazanmışdı, o cümlədən «İlin Ən Yaxşı Oyunu» nominasiyasını.
Üstəlik, oyun 11 dekabrda keçiriləcək Game Awards 2025-də 12 nominasiyada yarışacaq. Bəs görəsən, orada da eyni uğuru təkrarlaya biləcək?
Studiyanın yaradıcı direktoru Giyom Broş qeyd edib ki, Clair Obscur: Expedition 33-ün sürətli populyarlığında Xbox Game Pass-ın böyük rolu var. Onun sözlərinə görə, xidmət çoxlu oyunçunu oyunu sınaqdan keçirməyə təşviq edib və insanlar oyunda zövq almalı çox şeyin olduğunu tez anlayıblar.
Clair Obscur: Expedition 33 fantastik, lakin dağıdılmış bir dünyada baş verən növbəli döyüş mexanikalı rol oyunudur. Oyunçular hər il insanlığı silən «Paintress» adlı varlığın qarşısını almağa çalışan ekspedisiya qrupunu idarə edirlər. Tənqidçilər oyunu yüksək qiymətləndirib və satışlar artıq üç milyon nüsxəni keçib.
Bu xəbəri necə dəyərləndirirsiniz?
