El Salvador hökuməti 6 274 BTC-ni 14 ünvana ayırdı

El Salvador 678 milyon dollarlıq Bitcoin ehtiyatını 14 ünvana böldü

«Cointelegraph» yazır ki, El Salvador hökuməti diqqətçəkən addım ataraq 6 274 BTC-ni (təxminən 678 milyon dollar) bir yerdə saxlamaqdan imtina edib və onları 14 ünvana bölüb. Hər birində maksimum 500 BTC yerləşdirilib. Məqsəd mümkün risklərdən qorunmaq və təhlükəsizliyi artırmaqdır.

Uzun müddət bütün milli ehtiyat cəmi bir ünvanda idi və bu, təhlükəli strategiya hesab olunurdu. İndi isə «şard və yayma» modeli tətbiq olunub: bir ünvan kompromata düşsə, qalan ünvanlar toxunulmaz qalır. Bu, xəzinənin bir sandıqda deyil, 14 ayrı seyfdə olduğu anlamına gəlir.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Maraqlı məqam odur ki, bəzi mütəxəssislər kvant kompüterləri gələcəkdə Bitcoin təhlükəsizliyi üçün risk yarada biləcəyini nəzəri baxımdan irəli sürürlər. Hələ ki, real təhdid yoxdur, amma hökumətin qabaqlayıcı addımı diqqət çəkib.

Bununla yanaşı, tənqidçilər hesab edir ki, bu addım daha çox simvolik mesaj xarakteri daşıyır. Lakin mütəxəssislərin razılaşdığı bir məqam var: böyük məbləğlərin bölünməsi və ünvanların yenilənməsi “Bitcoin gigiyenası” nöqteyi-nəzərindən məntiqlidir.

Xatırladaq ki, El Salvador 7 sentyabr 2021-də Bitcoin-i rəsmi ödəniş vasitəsi kimi qəbul edən ilk ölkə olmuşdu. Prezident Nayib Bukele üçün bu addım həm siyasi, həm də iqtisadi simvolizm daşıyır. Beynəlxalq müstəvidə isə xüsusilə IMF-lə münasibətlərdə daim müzakirə mövzusu olub. 2024-cü ilin sonunda bağlanmış 1,4 milyard dollarlıq razılaşmada da kripto riskləri xüsusi vurğulanmışdı.

Belə şəraitdə, El Salvador hökumətinin ehtiyatı bölməsi təsadüfi deyil. Bu, həm də mesajdır: Bitcoin strateji aktivdir və dövlət səviyyəsində təhlükəsiz saxlanmalıdır.