EES sistemi başlayır – britaniyalılar Avropa sərhədlərində uzun növbələrlə üzləşə bilər
Avropada EES sərhəd sisteminin tətbiqi britaniyalı səyahətçilər üçün hava limanlarında 4 saata qədər ləngimə yarada bilər.
Avropa İttifaqının yeni giriş-çıxış sistemi britaniyalı turistlər üçün gecikmələr yarada bilər
«Independent» məlumatına görə, Avropa İttifaqının yeni giriş-çıxış sistemi (EES) hava limanlarında uzun növbələrə səbəb ola bilər. Turizm sənayesi nümayəndələri britaniyalı səyyahlara xəbərdarlıq edirlər ki, 12 oktyabrdan etibarən Avropaya səyahət edərkən sərhəd nəzarətindən keçmək üçün əlavə dörd saat vaxt ayırsınlar.
Advantage Travel Partnership şirkətinin icraçı direktoru Culiya Lo Bue-Seyd bildirib ki, Avropanın rəqəmsal sərhəd nəzarəti ciddi ləngimələr yarada bilər. Yeni qaydalara görə, üçüncü ölkə vətəndaşları – o cümlədən Böyük Britaniya pasportu sahibləri – Şengen zonasında daxil olarkən barmaq izi və üz biometrikasını təqdim etməlidirlər.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Zona İrlandiya və Kipr istisna olmaqla bütün Aİ ölkələrini, həmçinin İslandiya, Norveç və İsveçrəni əhatə edir. Sistemin tətbiqi üçün Aİ ölkələrinə altı ay vaxt verilib. Lakin xüsusilə Cənubi Avropadakı iri hava limanlarında turist axını səbəbindən sıxlığın artacağı gözlənilir.
Lo Bue-Seyd əlavə edib ki, bəzi hava limanlarında indi də pik saatlarda sıxlıq müşahidə olunur və yeni sistem bunu daha da artıracaq. Buna görə sərnişinlərə 3-4 saatlıq əlavə vaxt planlaşdırmaq tövsiyə edilir.
İlkin mərhələdə britaniyalıların az bir hissəsi biometrik qeydiyyata cəlb olunacaq. Ölkələr sistemi öz cədvəllərinə uyğun tətbiq edəcəklər. Çexiya, Estoniya və Lüksemburq ilk gündən bütün giriş və çıxışları EES vasitəsilə yoxlayacaq.
Britaniyalıların ən çox səyahət etdiyi ölkə olan İspaniyada isə sistem 12 oktyabrda yalnız Madrid hava limanına enən bir reysdə sınaqdan keçiriləcək. Altı ay ərzində bütün Şengen sərhədlərində giriş-çıxış məlumatlarının mərkəzi bazaya ötürülməsi məcburi olacaq.
«Independent» qeyd edir ki, oktyabrın 10-da İspaniyanın Palma hava limanına Böyük Britaniyadan doqquz reysin – ümumilikdə 1500-dən çox sərnişinin – enməsi planlaşdırılıb. Malorka hava limanında biometrik qeydiyyat üçün təxminən 60 köşk quraşdırılıb.
Sistem hazırlanarkən Böyük Britaniya hələ Aİ üzvü idi və o zaman britaniyalıların bu yoxlamalara cəlb ediləcəyi nəzərdə tutulmurdu. Brexit-dən sonra Boris Conson hökuməti onların üçüncü ölkə vətəndaşları kimi qeydiyyata alınmasına razılaşıb.
Bu xəbəri necə dəyərləndirirsiniz?
