Des Moines məktəblərinin rəhbəri Ian Roberts ICE tərəfindən saxlanıldı
Ayovada ən böyük məktəb dairəsinin rəhbəri Ian Roberts ICE tərəfindən saxlanılıb. Həbs ictimaiyyət və mühacir təşkilatları arasında təpki doğurub.
Ayovada Des Moines məktəblərinin rəhbəri Ian Roberts ICE tərəfindən saxlanıldı
«Independent» xəbər verir ki, Des Moines ictimai məktəblərinin rəhbəri Ian Roberts ABŞ İmmiqrasiya və Gömrük Mühafizəsi (ICE) tərəfindən saxlanılıb. Hadisə şəhərdə ictimai rezonans doğurub və immiqrasiya hüquqları üzrə təşkilatlar narazılıq bildiriblər.
54 yaşlı Roberts 27 sentyabr 2025-ci ildə saxlanılıb və Pottawattamie County həbsxanasında saxlanılır. O, Guyanadan ABŞ-a 1999-cu ildə köçüb, təhsil sahəsində fəaliyyət göstərib və 2023-cü ildən Ayovadakı ən böyük təhsil dairəsinə rəhbərlik edib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Onun idman keçmişi də diqqət çəkir – 2000-ci ildə Sidney Olimpiadasında Guyana yığmasının qaçışçısı kimi iştirak edib.
ICE məlumatına görə, Roberts 2024-cü ildə məhkəmə tərəfindən deportasiya qərarı ilə üzləşib, əmək icazəsi olmayıb. Saxlanılarkən qaçmağa cəhd göstərsə də, ICE əməkdaşları onun avtomobilində dolu Glock silahı, 3000 dollar və ov bıçağı aşkar ediblər. Roberts həmçinin 2020-ci ildən silah saxlama işi üzrə fiqurant olub.
ICE rəsmisi Sem Olson bildirib: “Bu iş cəmiyyətə xəbərdarlıqdır. Bu qədər ittiham və deportasiya qərarına baxmayaraq onun məktəblərə rəhbərlik etməsi valideynləri narahat etməlidir.”
Lakin Des Moines məktəb icması Roberts-i müdafiə edir. Məktəb Şurasının sədri Jackie Norris onu «icmanın ayrılmaz hissəsi» adlandırıb. Müvəqqəti superintendent Matt Smith isə bu xəbərin bütün təhsil ictimaiyyətini sarsıtdığını vurğulayıb.
Progress Iowa rəhbəri Mazie Stilwell sərt immiqrasiya siyasətinə etiraz edib və seçiciləri qanunvericilərdən cavab tələb etməyə çağırıb. Eyni zamanda, İova müəllim və təhsil assosiasiyalarının rəhbərləri Joshua Brown və Anne Cross Roberts-i «müəllimlərin və şagirdlərin müdafiəçisi» kimi qiymətləndiriblər. Iowa Migrant Movement for Justice təşkilatı isə həbsi cəmiyyətlərə qarşı sərt addım adlandırıb.
Roberts 2021-ci ildə verdiyi müsahibədə belə demişdi: “Anamın mübariz ruhu mənə hər zaman güc verib.”
Bu hadisə Donald Trump administrasiyasının sərtləşən anti-immiqrasiya siyasəti fonunda baş verən ən səs-küylü həbs hadisələrindən biri kimi dəyərləndirilir. Rəsmi rəqəmlərə görə, hazırda ABŞ-da 60 mindən çox immiqrant nəzarətdə saxlanılır, Trampın ikinci prezidentliyi başlayandan bəri isə təxminən 200 min nəfər deportasiya olunub.
Bu xəbəri necə dəyərləndirirsiniz?
