DeepMind «CodeMender» süni zəka alətini təqdim etdi
Google DeepMind «CodeMender» adlı süni zəka alətini təqdim edib. Sistem koddakı boşluqları aşkarlayıb avtomatik düzəldir və təhlükəsizliyi gücləndirir.
DeepMind «CodeMender» süni zəka alətini təqdim etdi: koddakı boşluqlara qarşı yeni mərhələ
«TechRadar» xəbər verir ki, Google-un DeepMind bölməsi proqram təminatındakı boşluqları hakerlərdən əvvəl aşkarlayıb aradan qaldırmaq məqsədilə yeni süni zəka aləti – «CodeMender»-i təqdim edib.
Şirkətin açıqlamasına əsasən, sistem açıq mənbəli layihələri analiz edir, potensial riskləri müəyyənləşdirir və onlara düzəliş üçün patch-lər hazırlayır. Bu düzəlişlər ilkin mərhələdə insan mütəxəssislər tərəfindən yoxlanır, yəni alət tam avtonom fəaliyyət göstərmir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
«CodeMender» DeepMind-ın Gemini Deep Think modelinə əsaslanır və kodu təhlil etmək üçün fuzzing, statik analiz və diferensial test üsullarından istifadə edir. Məqsəd yalnız səhvləri düzəltmək deyil, həm də onların kök səbəblərini müəyyənləşdirmək və gələcəkdə təkrarlanmasının qarşısını almaqdır.
Layihə rəhbərləri Raluka Ada Popa və təhlükəsizlik üzrə vitse-prezident Con “Four” Flinn bildiriblər ki, sistem artıq onlarla boşluğu aradan qaldırıb. Son altı ayda açıq mənbəli layihələrə 72 patch göndərilib və bəziləri 4,5 milyon sətr kodu əhatə edib.
Süni zəka həm reaktiv, həm də qabaqlayıcı şəkildə işləyir: tapılan zəiflikləri düzəldir və kodu elə dəyişir ki, eyni növ boşluqlar gələcəkdə yaranmasın. DeepMind-a görə, bu metod təhlükəsizlik komandalarının iş yükünü azaldacaq. Alqoritm əvvəlcə patch-ləri özü sınaqdan keçirir, daha sonra insan nəzarətinə ötürür.
Şirkət qeyd edir ki, «CodeMender» insan mütəxəssisləri əvəz etmək üçün deyil, onlara kömək məqsədilə hazırlanıb. Məsələn, sistem libwebp kitabxanasında buferlərin sərhədlərini yoxlamağı təmin edən -fbounds-safety qeydlərini avtomatik əlavə edərək yaddaş daşması hücumlarının qarşısını alıb.
Bir sözlə, süni zəka artıq həm müdafiə, həm də hücum tərəfinin xidmətindədir. DeepMind bu balansda üstünlüyü qorumaq üçün «CodeMender»-in açıq mənbə icmalarında geniş test mərhələsini planlaşdırır. Etibarlılığı sübuta yetirildikdə, alət proqramçılar üçün açıq istifadəyə veriləcək.
Bu xəbəri necə dəyərləndirirsiniz?
