Co Bayden niyə milyonçu prezidentlərdən geri qalır?
Co Bayden vəzifədən sonra digər ABŞ prezidentləri kimi sərvət yığa bilməyib. Onun gəlirləri, borcları və maliyyə durumu suallar doğurur.
Co Baydenin maliyyə vəziyyəti digər keçmiş ABŞ prezidentlərindən fərqlənir
«Independent» xəbər verir ki, keçmiş ABŞ prezidentlərinin çoxu vəzifədən sonra milyonlarla dollar qazanıb, amma Co Baydenin maliyyə durumu fərqlidir. Nə kitab müqavilələri, nə də səfərlərdən əldə olunan gəlirlər gözlənildiyi qədər böyük olmayıb.
Adətən Ağ evdən ayrılan siyasətçilər yüksək məbləğli çıxışlar, çox satılan xatirə kitabları və fondlarla sərvətlərini artırır. Ancaq 82 yaşlı Bayden üçün mənzərə çətindir. Mətbuat yazır ki, Donald Tramp hakimiyyətə qayıdarsa, Baydenə bağlı şirkətlərə təzyiq arta bilər və bu da potensial sponsorları çəkindirib.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Onun bəzi çıxışlarından gəlirlər olsa da, bu, kifayət qədər deyil. Hər tədbir üçün 300-500 min dollar qazanıb. Ən böyük gəliri isə xatirə kitabına görə alınan 10 milyon dollarlıq avans olub. Bununla belə, Obamaların 60 milyon dollarlıq müqaviləsi ilə müqayisədə bu məbləğ xeyli kiçik görünür.
Bayden bir vaxtlar Air Force One ilə səyahət edirdi, indi isə biznes-klass və ya Amtrak qatarmı seçir. 2024-cü ildə onun prezident pensiyası 246.400 dollar olub. Senatdakı 36 il və vitse-prezidentliyi üçün isə əlavə 166.374 dollar alır. Yəni illik gəliri 400 min dollardan çox pensiya ilə məhdudlaşır.
Bununla yanaşı, o hələ də şəxsi borclar və ailə məsrəfləri ilə üz-üzədir. Yanvarda Ağ evdən ayrıldıqdan sonra 800 min dollarlıq borcunu ödəməyi planlaşdırıb. Ancaq ilin əvvəlindən cəmi 4 tədbirdə çıxış edib və bu da gəlirləri məhdudlaşdırıb. Prostat xərçəngi ilə mübarizəsi də əlavə çətinlik yaradır.
Ailə vəziyyəti də sadə deyil: Rehoboth Beach-dəki evin krediti qalır, oğlu Hanter Bayden maliyyə çətinliklərini gizlətməyib, qızı Eşli Bayden isə yaxınlarda boşanma ərizəsi verib.
Forbes məlumatına görə, Obamaların sərvəti 70 milyon dolları keçib, Klintonların isə 45 milyon dollar civarındadır. Corc Buş ailəsinin sərvəti də 40 milyon dollar dəyərindədir. Baydenlər isə varlı sayılsa da, digər prezident ailələri ilə müqayisədə xeyli geridədirlər.
Sual açıq qalır: Bayden ailəsi gələcəkdə sərvət toplaya biləcəkmi?
Bu xəbəri necə dəyərləndirirsiniz?
