Çində ən çox satılan mikro elektrik avtomobil dəyişdi - yeni Mini EV göründü!
Yenilənmiş Wuling Hongguang Mini EV MIIT siyahısında görünüb. Modeldə yeni işıqlar, ölçü dəyişiklikləri və vahid dizayn xətti təsdiqlənib.
Yenilənmiş Wuling Hongguang Mini EV MIIT siyahısında göründü
Çinin «CarNewsChina» məlumatına görə, ölkənin ən çox satılan mikro elektrik avtomobili sayılan Wuling Hongguang Mini EV-in növbəti buraxılışı üçün dizayn yenilikləri artıq MIIT kataloqunda qeydə alınıb.
Yenilənmiş model altı variantda qeydiyyatdan keçib və həm ikiqapılı, həm də dördqapılı versiyalarda eyni xarici görünüş tətbiq olunub. Şirkət açıq şəkildə mikro elektrik avtomobil seqmentinə diqqəti davam etdirdiyini göstərir.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
MIIT görüntüləri xüsusilə yeni yuvarlaq ön və arxa işıqları, eləcə də qara «üzən dam» elementini önə çıxarır. Bir sözlə, Wuling bütün Mini EV xətti üçün vahid dizayn xətti formalaşdırmağa başlayıb.
Dördaqapılı versiya 3268 mm uzunluq, 1520 mm en və 1575 mm hündürlüyə malikdir. Bu, hazırkı modeldən bir qədər böyükdür. Üçqapılı variant isə 3043 x 1520 x 1590 mm ölçüsündədir və əvvəlki ikiqapılı versiyaya nisbətən daha qısadır. Hər iki versiyada təkər bazası dəqiqləşdirilib: dördaqapılıda 2190 mm, üçqapılıda isə 1965 mm-dir.
Texniki göstəricilər dəyişməyib. Avtomobil Liuzhou Saike istehsalı olan 30 kVt-lıq arxa ötürücülü elektrik mühərriki ilə təchiz edilir. MIIT sənədlərində batareya və yürüş məsafəsi barədə yeni məlumat verilməyib.
2020-ci ilin iyulunda satışa çıxarılan Mini EV ailəsi şəhər daxili istifadə üçün nəzərdə tutulmuş iki və dördaqapılı modellərdən ibarətdir. 30 kVt-lıq mühərrik və LFP batareyaları ilə təchiz olunan modellər CLTC standartına görə 205 km, daha iri batareyalı versiyalarda isə 301 km yürüş təklif edir.
Hazırda qiymətlər 38 min 800 yuanla 55 min 800 yuan arasında dəyişir. Bu sərfəli qiymət, ölçülərin kompaktlığı və praktiklik Mini EV-i Çində mikro elektrik avtomobilləri arasında lider saxlayır. Model Chery QQ Ice Cream, Baojun E200 və Ora Black Cat kimi rəqiblərlə yarışır.
Bu xəbəri necə dəyərləndirirsiniz?
